TVS য়ে মুকলি কৰিলে ইয়াৰ প্ৰথমখন ইলেকট্ৰিক স্কুটাৰ; চাওক ইয়াৰ মূল্য

বাজাজৰ পাছত এইবাৰ TVS মটৰ্ছেও ইলেকট্ৰিক দুচকীয়া বাহন বজাৰত মুকলি কৰিলে। TVS য়ে বেংগলুৰুত শনিবাৰে এই  ই-স্কুটাৰখন মুকলি কৰে।

এই স্কুটাৰখনে বাজাজৰ ইলেকট্ৰিক স্কুটাৰ চেতকৰ সৈতে বজাৰত ফেৰ মাৰিব। যোৱা ১৪ জানুৱাৰিত বাজাজ অটোৱে তেওঁলোকৰ জনপ্ৰিয় “চেতক’ স্কুটাৰৰ ইলেকট্ৰিক সংস্কৰণটো মুকলি কৰিছিল।

এই ই-স্কুটাৰখনত টিভিএছ আইক্যুব ইলেকট্ৰিক্সত ৪.৪ কেবিৰ ইলেকট্ৰিক মটৰ লগোৱা হৈছে।

স্কুটাৰখন ঘন্টাত ৭৮ কিলোমিটাৰ গতিবেগত  দৌৰিব পাৰে। এবাৰ সম্পূৰ্ণ চাৰ্জ হোৱাৰ পাছত ইয়াত ৭৫ কিলোমিটাৰ দূৰলৈ যাত্ৰা কৰিব পাৰিব।

স্কুটাৰখনে শূন্যৰ পৰা ৪০ কিলোমিটাৰৰ বেগ মাত্ৰ ৪.২ ছেকেণ্ডতে ল’ব পাৰিব।

এই মডেলত টিভিএছ স্মাৰ্টএক্সনেক্ট প্লেটফৰ্ম আছে, য’ত কেইবাধৰণৰো বিশেষত্ব আছে যাৰ বিতৰত জিঅ’ ফেন্সিং, ৰিমোট বেটাৰী চাৰ্জ নেবিগেশ্যন আদি সুবিধা আছে।

কৰ্ণাটকত এই স্কুটাৰখন ১.১৫ লাখ টকাত ক্ৰয় কৰিব পৰা যাব। বেংগালুৰুতে ইয়াৰ প্ৰথম বিক্ৰী হ’ব। তাৰ পাছত আন আন চহৰত ইয়াৰ বিক্ৰী কৰা হ’ব।

কোম্পানীয়ে জানিবলৈ দিয়ে মতে এতিয়া প্ৰতিমাহে ১,০০০ য়ুনিটহে নিৰ্মাণ কৰিব। টিভিএছৰ এই  ই-স্কুটাৰে বাজাজৰ চেতকৰ সৈতে মোকাবিলা কৰিবলৈ সম্পূৰ্ণ সাজু।