মৰ্মান্তিক! উমৰাংছ’ৰ সমীপৰ নীপকোৰ জলকুণ্ডত ডুবি মৃত্যু দুই কিশোৰৰ

ডিমা হাছাও জিলাৰ উমৰাংছ’ৰ সমীপৱৰ্তী নীপকোৰ জলকুণ্ডত (water reservoir) শুকুৰবাৰে সংঘটিত হোৱা এক মৰ্মান্তিক নাও দুৰ্ঘটনাত দুজন কিশোৰৰ মৃত্যু হোৱা বুলি আৰক্ষী বিষয়াসকলে জানিবলৈ দিয়ে।

মৃত্যু হোৱা কিশোৰ দুজনক উমৰাংছ’ৰ ১৬ কিলো-ৰ নিবাসী ধৰ্মেশ্বৰ মুদৈৰ পুত্ৰ যুগল মুদৈ আৰু ডিমা হাছাওৰ উমৰাংছ’ৰ ১২ কিলো-ৰ নিবাসী অনন্ত পলৰ পুত্ৰ ১৫ বছৰীয়া অৰ্জিত পল বুলি চিনাক্ত কৰা হৈছে।

এই কাণ্ডৰ সবিশেষ এতিয়াও ওলাবলৈ বাকী যদিও বাতৰি অনুসৰি কিশোৰ দুজনে জলকুণ্ডটোত সময় উপভোগ কৰি থকাৰ সময়তে তেওঁলোকৰ নাওখন উলটি যায়। হঠাতে হোৱা এই ঘটনাত নাওখনৰ লগতে তেওঁলোক পানীত ডুব যায়।

লগতে পঢ়কঃ নিৰ্বাচনৰ বাবে অৰবিন্দ কেজৰিৱালৰ অন্তৱৰ্তীকালীন জামিন বিবেচনা কৰিব উচ্চতম ন্যায়ালয়ে

স্থানীয় জৰুৰীকালীন সেৱাক সেই স্থানলৈ মাতি অনা হয় আৰু অগ্নিনিৰ্বাপক বাহিনী আৰু উদ্ধাৰকাৰীয়ে জলকুণ্ডৰ পৰা মৃতদেহ উদ্ধাৰ কৰিবলৈ দ্ৰুততাৰে অভিযানত নামি পৰে।

কিশোৰ দুজনৰ অকাল মৃত্যুই অঞ্চলটোত শোকৰ ছাঁ পেলাইছে। ইপিনে, কৰ্তৃপক্ষই অবাঞ্চিত দুৰ্ঘটনাটোৰ সন্দৰ্ভত তদন্ত চলাব।