অসমত কৰ’না আক্ৰান্ত বৃদ্ধিৰ মাজতে আৰু এটা ভাল খবৰ
অন্য এক ভাল খবৰ। দন্ত চিকিৎসক ডঃ দীপা ডেকা সুস্থ হৈ উঠিছে। তেওঁক GMCHৰ পৰা মুক্তি দিয়া হৈছে।
তেওঁৰ লগতে অন্য এগৰাকী মহিলা ৰোগীকো মুক্তি দিয়া হৈছে GMCHৰ পৰা।
দুয়োগৰাকীৰ দুবাৰকৈ পৰীক্ষা কৰাৰ অন্তত কোভিড-১৯ নিগেটিভ ওলোৱাত যাবলৈ দিয়া হয় চিকিৎসালয়ৰ পৰা।
Something to cheer about amid string of bad news! Dr Deepa Deka of Regional Dental College, Guwahati, infected with #CoronaVirus in line of duty, has been discharged from GMCH after testing negative twice. Another woman patient also relieved, taking the total discharged no to 57. pic.twitter.com/R0ck3u1Vnd
— Himanta Biswa Sarma (@himantabiswa) May 23, 2020
এতিয়ালৈকে ৫৭ গৰাকী লোকক চিকিৎসালয়ৰ পৰা যাবলৈ দিয়া হৈছে।
ৰাজ্যত এতিয়াও চিকিৎসাধীন হৈ আছে ২৬৫ গৰাকীকৈ লোক।
কিছু সময় পূৰ্বে MMCHৰ পৰা এগৰাকী ৰোগীক দুবাৰকৈ টেষ্ট কৰাৰ পাছত নিগেটিভ ওলোৱাত তেওঁক ক’ৰ’ণা মুক্ত বুলি বিবেচিত কৰি চিকিৎসালয়ৰ পৰা যাবলৈ দিয়া হয়।
ৰাজ্যত আজিৰ দিনটোত ৭০ গৰাকী লোক এই কোভিড-১৯+ ত আক্ৰান্ত হোৱাত সকলো আতংকিত হৈ আছে যদিও তিনিগৰাকীকৈ ৰোগী ক’ৰ’ণামুক্ত হোৱাটোৱে কিছু পৰিমাণে সুখৰ বতৰা কঢ়িয়াই আনিছে।
আঞ্চলিক দন্ত মহাবিদ্যালয়ৰ স্নাতকোত্তৰ দ্বিতীয় বৰ্ষৰ ছাত্ৰী আছিল দীপা ডেকা। যোৱা ৮ মে ত কোভিড-১৯ত আক্ৰান্ত হৈছিল নলবাৰীৰ দীপা ডেকা।
ক’ভিড-১৯ আক্ৰান্ত ডাঃ লিথিকেশ যোৱা ২০ মে’ত সুস্থ হৈ উঠিছিল আৰু তেওঁ পুনৰ ৰোগীৰ চিকিৎসাত আত্মনিয়োগ কৰিছে।