অৰুণাচলত দুগৰাকী ক’ৰ’না আক্ৰান্ত লোকৰ মৃত্যু; ২৪ ঘণ্টাত নতুনকৈ সংক্ৰমিত ১১২ গৰাকী লোক
অৰুণাচল প্ৰদেশত শুকুৰবাৰে পুনৰ দুগৰাকী লোকৰ ক’ৰ’না ভাইৰাছৰ সংক্ৰমণৰ ফলত মৃত্যু হয়।
ইয়াৰ ফলত ৰাজ্যখনত ক’ৰ’নাৰ সংক্ৰমণৰ ফলত প্ৰাণ হেৰুওৱা লোকৰ সংখ্যা ৭ গৰাকীলৈ বৃদ্ধি পালে।
ৰাজ্যখনৰ স্বাস্থ্য বিভাগে প্ৰকাশ কৰা মতে, ক’ৰ’নাৰ সংক্ৰমণৰ ফলত শুকুৰবাৰে মৃত্যু হোৱা লোক দুগৰাকীৰ এগৰাকী নাহৰলগুণৰ ৬৫ বছৰীয়া মহিলা। মহিলা গৰাকীয়ে গুৰুতৰভাৱে বৃক্কৰ ৰোগতো আক্ৰান্ত হৈ আছিল।
আনহাতে মৃত্যু হোৱা আন গৰাকী ব্যক্তি ভাৰতীয় সেনা বাহিনীৰ ১৯০ কুমাও মাউণ্টেইন ব্ৰিগেডৰ ১৮ উইনিটৰ এগৰাকী জোৱান।
মৃত্যু হোৱা সেনা বাহিনীৰ জোৱান গৰাকী টাৱাঙত কৰ্তব্যৰত হৈ আছিল। ১২ আগষ্টৰ পৰা জ্বৰ, কাঁহত ভূগি থকা সেনা বাহিনীৰ জোৱান গৰাকীক ১৬ আগষ্টত চিকিৎসালয়ত ভৰ্তি কৰোৱা হৈছিল।
শুকুৰবাৰৰ দিনটোত অৰুণাচল প্ৰদেশত নতুনকৈ ১১২ গৰাকী লোকৰ শৰীৰত ক’ৰ’না ভাইৰাছৰ উপস্থিতি ধৰা পৰে।
শুকুৰবাৰে নতুনকৈ ক’ৰ’না আক্ৰান্ত হোৱা ১১২ গৰাকী লোকৰ সৈতে ৰাজ্যখনত ক’ৰ’না আক্ৰান্ত হোৱা মুঠ লোকৰ সংখ্যা ১০২৯ গৰাকীলৈ বৃদ্ধি পায়।
You may also like
অৰুণাচলতো নাগালিমত অংশ অন্তৰ্ভুক্তিৰ বিৰোধিতা কৰি প্ৰতিবাদী সভা
অৰুণাচলৰ কেইবাটাও জনজাতীয় নেতাই তেওঁলোকৰ চাংলাং জিলাৰ মাটি নাগালিমত অন্তৰ্ভুক্তিৰ প্ৰবল বিৰোধিতা কৰিছে। তেওঁলোকে এখন সভা পাতি এই বিষয়ত তেওঁলোকৰ চূড়ান্ত অসন্তুষ্টি…
হায়, অসমীয়া জাতীয়তাবাদ!
অসমীয়া পৰিচয়ৰ কথা বাদ দি অসমীয়া জাতীয়তাবাদৰ কথা ক’ব নোৱাৰি। অসমীয়া পৰিচয়ৰ লগত অসমৰ ইতিহাসো জড়িত। কিন্তু, যেতিয়া সমসাময়িক ৰাজনীতিৰ বিষয়ে আলোচনা…
বন্দনা দেউৰী ডিআৰআইৰ গুৱাহাটী মাণ্ডলিক গোটৰ এডিজিৰ দায়িত্বত
ভাৰতীয় ৰাজহ সেৱাৰ বিষয়া বন্দনা দেউৰীক ৰাজহ চোৰাংচোৱা সঞ্চালকালয়ৰ গুৱাহাটী মাণ্ডলিক গোটৰ অতিৰিক্ত সঞ্চালক প্ৰধানৰ দায়িত্বভাৰ প্ৰদান কৰা হৈছে। দেউৰীক ২৯ অক্টোবৰ…
অবৈধ আধাৰ কাৰ্ড প্ৰদান কৰা প্ৰৱঞ্চকক গ্ৰেপ্তাৰ
আধাৰ কাৰ্ডৰ কামৰ জালিয়াতিৰ বাবে আজি হাতীগাঁও থানাৰ আৰক্ষীয়ে গ্ৰেপ্তাৰ কৰে বিজু ৰঞ্জন বৰুৱা নামৰ ব্যক্তিজনক। আৰক্ষীয়ে দিল্লীস্থিত আধাৰ কাৰ্ডৰ মুখ্য কাৰ্যালয়ৰ…