উত্তৰ-পূবৰ দুজন সাংবাদিকে লাভ কৰিলে সাংবাদিকতাৰ উৎকৃষ্টতাৰ পুৰস্কাৰ
উত্তৰ-পূবৰ দুজন সাংবাদিকক সাংবাদিকতাৰ সন্মানীয় বঁটাৰে সন্মানিত কৰা হৈছিল। বুধবাৰে ভাৰতৰ মুখ্য ন্যায়াধীশ ডি ৱাই চন্দ্ৰচূড়ে বিভিন্ন শাখাৰ অধীনত সাংবাদিকতাত উৎকৃষ্টতাৰ বাবে ষষ্ঠদ্বশ ৰামনাথ গোয়েঙ্কা বঁটা প্ৰদান কৰে।
‘দ্য কুইণ্ট’ৰ ত্ৰিদীপ কে মণ্ডলক তেওঁৰ তথ্যচিত্ৰ ‘ডায়েৰীজ ফ্ৰম দা ডিটেনচন কেম্পছ অৱ আসাম’ৰ বাবে আনকভাৰিং ইণ্ডিয়া ইনভিজিবল (ব্ৰডকাষ্ট মিডিয়া) ২০২০ শাখাত পুৰস্কৃত কৰা হৈছে।
তথ্যচিত্ৰখনত অবৈধ অনুপ্ৰৱেশকাৰী হোৱাৰ সন্দেহত অসমৰ গোৱালপাৰা ডিটেনচন কেম্পত বন্দী হৈ থকা লোকসকলৰ দুৰ্দশাৰ কাহিনী বৰ্ণনা কৰা হৈছে।
‘Diaries from Detention Camp’ bags the Ramnath Goenka Excellence in Journalism Award. The documentary is a very personal and intimate take on identity, citizenship, migration and how life is inside a detention camp in Assam. @TheQuint pic.twitter.com/eSUAlAYjdd
— Tridip K Mandal (@tridipkmandal) March 23, 2023
ত্ৰিদীপ কে মণ্ডলে ২০১৯ চনৰ ছেপ্টেম্বৰত এবাৰ ৰাষ্ট্ৰীয় নাগৰিক পঞ্জীৰ (এন আৰ চি) চূড়ান্ত তালিকা ঘোষণা হোৱাৰ পিছত তথ্যচিত্ৰখনৰ দৃশ্যগ্ৰহণ কৰিছিল।
ইফালে, তৰা আগৰৱালাক তেওঁৰ ‘কেনেকৈ মণিপুৰৰ যুদ্ধক্ষেত্ৰ খননকাৰীসকলে দ্বিতীয় বিশ্বযুদ্ধৰ কাহিনীবোৰ উদ্ধাৰ কৰিছে’ শীৰ্ষক কাহিনীৰ বাবে কলা, সংস্কৃতি আৰু মনোৰঞ্জন, ২০২০ প্ৰতিবেদন শাখাত পুৰস্কৃত কৰা হৈছে।
Thrilled to have won the #RamnathGoenkaAward in the Arts, Culture & Entertainment category for my story on Manipur’s fascinating battlefield diggers! (1/4) pic.twitter.com/pgdRROJsCb
— Tora Agarwala (@ToraAgarwala) March 23, 2023
যদিও বঁটাটো ২০২১ চনত ঘোষণা কৰা হৈছিল, কোভিড-১৯ মহামাৰীৰ বাবে বঁটা প্ৰদান অনুষ্ঠান সেইবাৰ অনুষ্ঠিত কৰিব পৰা নগ’ল। ইয়াৰ বাবে অনুষ্ঠানটো ২২ মাৰ্চ, ২০২৩’ বুধবাৰে নতুন দিল্লীত অনুষ্ঠিত হৈছিল।