চোৰাং চিকাৰীৰ বিৰুদ্ধে জখলাবন্ধা আৰক্ষীৰ অভিযান : দুই চোৰাং চিকাৰী আটক
চোৰাং চিকাৰীৰ বিৰুদ্ধে জখলাবন্ধা আৰক্ষীৰ অভিযান চলাই আটক কৰিছে দুই চোৰাং চিকাৰীক।
এক গোপন খবৰৰ ভিত্তিত জখলাবন্ধা থানাৰ ভাৰপ্ৰাপ্ত আৰক্ষী বিষয়া নিপু কলিতাৰ নেতৃত্বত আৰক্ষীৰ এটা দলে চলাই এই অভিযান।
আটকাধীন চোৰাং চিকাৰীকেইটা ক্ৰমে উলুৱনী থানাৰ অন্তৰ্গত গৰৈমাৰীৰ আব্দুল লটিফ আৰু উবাইদুল্লা খণ্ডকাৰ ।
২০১৮ চনত বাগৰি বনাঞ্চলত এটা গঁড় হত্যাৰ লগত জড়িত এই দুই চোৰাং চিকাৰী।
উল্লেখ্য যে আব্দুল লটিফ ২০১৫ চনত গঁড় নিধনৰ লগত জড়িত হোৱাৰ অপৰাধত আৰক্ষীয়ে গ্ৰেপ্তাৰ কৰিছিল।
আনহাতে কাজিৰঙা ৰাষ্ট্ৰীয় উদ্যানৰ গঁড় হত্যাৰ পৰিকল্পনা কৰিছিল এই দুই চোৰাংচিকাৰীয়ে।
কিন্তু আৰক্ষীৰ অভিযানত সেই আশা পূৰণ নহ’ল চোৰাংচিকাৰীদ্বয়ৰ।