দেশত অ’মিক্ৰণৰ আতংকৰ মাজতে বেংগালুৰুত দক্ষিণ আফ্ৰিকাৰ পৰা অহা দুজন ব্যক্তি পজিটিভ
বিশ্বত নতুনকৈ আতংকৰ সৃষ্টি কৰা কৰ’নাৰ নতুন ভেৰিয়েন্ট অ’মিক্ৰণে ভাৰততো আশংকাৰ সৃষ্টি কৰাৰ মাজতে দক্ষিণ আফ্ৰিকাৰ পৰা দেশলৈ অহা দুজন ব্যক্তিৰ কৰ’না পজিটিভ ধৰা পৰিছে।
অৱশ্যে ব্যক্তি দুজনৰ শৰীৰত অ’মিক্ৰণৰ ভেৰিয়েন্টে আক্ৰমণ কৰিছেনে নাই সেয়া এতিয়াও নিশ্চিত হোৱা নাই।
শনিবাৰে বেংগালুৰুৰ কেম্পেগৌড়া বিমানবন্দৰত নামে দুজন দক্ষিণ আফ্ৰিকাৰ পৰা উভতি অহা লোক। তেওঁলোকৰ টেষ্ট কৰাত কৰ’না পজিটিভ পোৱা যায়।
কিন্তু এয়া কৰ’নাৰ নতুন ভেৰিয়েন্ট হয়নে হয় সেয়া নিশ্চিত হ’বলৈ ৪৮ ঘন্টা অপেক্ষা কৰিব লাগিব।
কৰ’না পজিটিভ ধৰা পৰা দুয়োজন ব্যক্তিকে কোৱাৰেন্টাইন চেন্টাৰলৈ প্ৰেৰণ কৰা হৈছে।
ইপিনে, শনিবাৰে ব্ৰিটেইন আৰু বেলজিয়ামত কেইবাজনো লোকৰ শৰীৰত অ’মিক্ৰণ ভেৰিয়েন্টৰ সংক্ৰমণ ধৰা পৰিছে।
মাৰাত্মক কৰ’না অতিমাৰীৰ আতংক বিয়পাই পুনৰ উপস্থিত হৈছে কৰ’নাৰ নতুন ভেৰিয়েন্ট অ’মিক্ৰণ। ডেল্টা ভেৰিয়েন্টতকৈ কেইবাগুণো অধিক সংক্ৰামক কৰ’নাৰ এই নতুন প্ৰজাতি।
Also Read: P Chidambaram: চিবিআই-ইডিৰ চাৰ্জশ্বীট পৰীক্ষা কৰি পি চিদাম্বৰম আৰু তেওঁৰ পুত্ৰক দিল্লীৰ আদালতৰ তলব
শনিবাৰে প্ৰধানমন্ত্ৰী নৰেন্দ্ৰ মোদীয়ে এই নতুন ভেৰিয়েন্টে যাতে ভাৰতত আতংকৰ সৃষ্টি কৰিব নোৱাৰে সেই বিষয়ে এক বৈঠক অনুষ্ঠিত কৰে।
প্ৰধানমন্ত্ৰীয়ে আন্তৰ্জাতিক বিমান চলাচলত নিষেধাজ্ঞা জাৰি সন্দৰ্ভত বিবেচনা কৰাৰ পৰামৰ্শ দিছে।
You may also like
কিয় চেবিৰ অধ্যক্ষই পদত্যাগ কৰা উচিত?
ফ্ৰি প্ৰেছ জাৰ্নেলত প্ৰখ্যাত ৰাজনৈতিক আৰু অৰ্থনৈতিক ভাষ্যকাৰ তথা সাংবাদিক পৰঞ্জয় গুহঠাকুৰতাই চেবিৰ অধ্যক্ষ গৰাকীয়ে কিয় পদত্যাগ কৰিব লাগে সেই বিষয়ে বৰ…
আজি নৰেন্দ্ৰ মোদীৰ জন্মদিন : কোন কোন বিৰোধীয়ে জনালে জন্মদিনৰ শুভকামনা?
আজি প্ৰধানমন্ত্ৰী নৰেন্দ্ৰ মোদীৰ জন্মদিন। পুৱাৰে পৰা দেশৰ বিভিন্ন ব্যক্তিয়ে শুভকামনাৰে উপছাই পেলাইছে নৰেন্দ্ৰ মোদীক। আনকি দেশৰ বিৰোধী নেতাসকলেও শুভেচ্ছা জনাইছে প্ৰধানমন্ত্ৰীগৰাকীক।…
বিজয়ৰ উল্লাস: নিৰ্বাচন আয়োগৰ নিৰ্দেশনা উলংঘা কৰি ৰাজপথলৈ ওলাই আহিল দলে দলে সমৰ্থক, ক’ত?
দেশৰ কেইবাখনো ৰাজ্যত আজি পুৱা ৮ বজাৰ পৰা আৰম্ভ হৈছে ভোটগণনা। অসমক বাদ দি বাকী আটাইকেইখন ৰাজ্যতে বিজেপিয়ে ভাল ফলাফল দেখুৱাবলৈ সক্ষম…
ন্যায়াধীশ চন্দ্ৰচূড় হ’ব দেশৰ পৰৱৰ্তী মুখ্য ন্যায়াধীশ; আজি মুখ্য ন্যায়াধীশ ইউ ইউ ললিতে দিলে পত্ৰ
ভাৰতৰ মুখ্য ন্যায়াধীশ ইউ ইউ ললিতে তেওঁৰ উত্তৰাধিকাৰী হিচাপে ন্যায়াধীশ চন্দ্ৰচূড়ৰ নাম প্ৰেৰণ কৰিছে। আজি তেওঁ ন্যায়াধীশ ডি ৱাই চন্দ্ৰচূড়ক এখন পত্ৰ…