Cell Culture Laboratory Inaugurated ফাৰ্মাচী শিক্ষা তথা গৱেষণাৰ ক্ষেত্ৰখনত অনবদ্য অৱদান আগবঢ়াই অহা গুৱাহাটীৰ আজাৰাস্থিত উচ্চ শিক্ষাৰ প্ৰতিষ্ঠান গিৰিজানন্দ চৌধুৰী ইনষ্টিটিউট অৱ ফাৰ্মাছিউটিকেল চায়েন্সৰ প্ৰতিষ্ঠান চৌহদত সম্পূৰ্ণৰূপে প্ৰতিস্থাপন খনিৰ নিজ খৰচত স্থাপিত তথা কেন্দ্ৰীয় চৰকাৰৰ বায়টেকন’লজী বিভাগৰ দ্বাৰা অনুমোদিত ইনষ্টিটিউশ্যনেল বায়’চেফটি কমিটীৰ সহযোগত “কোষ বিকাশ আৰু সংবৰ্ধন (cell culture) “এটি লেবৰেটৰীৰ উন্মোচন অনুষ্ঠান যোৱা ২৫ নৱেম্বৰ তাৰিখে অনুষ্ঠিত হৈ যায়।
প্ৰতিষ্ঠান খনিৰ সকলো শিক্ষক, কৰ্মচাৰী তথা শিক্ষাৰ্থী সকলৰ উপস্থিতিত মূখ্য অতিথিৰূপে আমন্ত্ৰিত গৌহাটী বিশ্ববিদ্যালয়ৰ উপাচাৰ্য তথা অসম বিজ্ঞান আৰু প্ৰযুক্তিবিদ্যা বিশ্ববিদ্যালয়ৰ ভাৰপ্ৰাপ্ত উপাচাৰ্য প্ৰফেছাৰ প্ৰতাপ জ্যোতি সন্দিকৈয়ে উন্মোচন কৰা লেবৰেটৰীটোৱেই হৈছে উত্তৰ-পূব ভাৰতৰ ভিতৰত ব্যক্তিগত খণ্ডৰ কোনো প্ৰতিষ্ঠানৰ দ্বাৰা স্থাপিত এনে ধৰণৰ প্ৰথমটো লেবৰেটৰী।
Also Read: বৌদ্ধিক স্বাধীনতাৰ দমনে বিপদত পেলাব দেশৰ গণতন্ত্ৰক: উচ্চ ন্যায়ালয়
লেবৰেটৰী উন্মোচনৰ পিছত অনুষ্টূপীয়াকৈ অনুষ্ঠিত হোৱা সভাখনিত মূখ্য অতিথি তথা আমন্ত্ৰিত ব্যক্তিসমূক উদ্দেশ্য আদৰণি সম্ভাষণ আগবঢ়োৱাৰ লগতে গৱেষণাৰ উত্তৰণৰ বাবে প্ৰতিষ্ঠান খনিৰ বাবে ইয়াৰ প্ৰয়োজনীয়তাৰ বিষয়ে উল্লেখ কৰে প্ৰতিষ্ঠান খনিৰ অধ্যক্ষ প্ৰফেছাৰ গৌৰাংগ দাসে।
পোন প্ৰথমবাৰৰ বাবে প্ৰতিষ্ঠানখনিত উপস্থিত হোৱা উপাচাৰ্য ডাঙৰীয়াই প্ৰতিষ্ঠান খনিৰ গৱেষণাৰ ক্ষেত্ৰত এনে ধৰণৰ সমৰ্পণ আৰু আগ্ৰহী মনোভাৱৰ বাবে সকলোকে আন্তৰিক অভিনন্দন জনায়।
Also Read: Covid New variant কিমান ভয়াবহ কৰ’নাৰ নতুন ভেৰিয়েন্ট Omicron; কি জনালে WHOই?
তেওঁ লগতে এনে ধৰণৰ লেবৰেটৰী ব্যৱহাৰৰ ক্ষেত্ৰত ল’বলগীয়া সতৰ্কতা আৰু সাৱধানতা সমূহ সকলোকে মানি চলিবলৈ আহ্বান জনায়।