শ্বিলঙত উপস্থিত দিল্লীৰ নিজামুদ্দিন মাৰ্কাজলৈ গৈ দিল্লীত আৱদ্ধ হৈ থকা দুগৰাকী সদস্য

নতুন দিল্লীত আৱদ্ধ হৈ থকা তবলিগী জামাতৰ দুগৰাকী সদস্য আজি মেঘালয়ৰ শ্বিলঙত উপস্থিত হয়।

শ্বিলঙত উপস্থিত হোৱাৰ পাছত দুয়োগৰাকী ব্যক্তিৰে পৰীক্ষা কৰা হয় আৰু হোম কোৱাৰেণ্টাইনত থাকিবলৈ দিয়া হয়।

মাৰ্চ মাহত সাত গৰাকী লোকে দিল্লীৰ নিজামুদ্দিন মাৰ্কাজত অংশগ্ৰহণ কৰিছিল আৰু ৰাষ্ট্ৰীয় ল’কডাউনৰ বাবে মেঘালয়লৈ উভতি আহিব পৰা নাছিল।

দিল্লীৰ নিজামুদ্দিন দৰগাহত মাৰ্চৰ ১ তাৰিখৰ পৰা ১৫ তাৰিখলৈ ধৰ্মীয় অনুষ্ঠানটো অনুষ্ঠিত হৈছিল য’ত ইণ্ডোনেছিয়া, মালেয়ছিয়াক, থাইলেণ্ডকে ধৰি বিভিন্ন দেশৰ প্ৰায় ২০০০ অতিথিয়ে অংশগ্ৰহণ কৰিছিল।

‘‘মেঘালয় চৰকাৰে ব্যৱস্থা কৰা বাছত গুৱাহাটীৰ পৰা দুয়োগৰাকী ব্যক্তি সোমবাৰে আহি শ্বিলঙত উপস্থিত হয়,’’ শ্বিলং মাৰ্কাজৰ সদস্য আনোৱাৰ আলিয়ে কয়।

আনহাতে, ৰাজ্যখনত উপস্থিত হ’বলগীয়া আন পাঁচ গৰাকী সদস্যৰ ভিতৰত তিনিগৰাকী গুৱাহাটীত থকাৰ বিপৰীতে দুগৰাকী লক্ষ্নৌত আছে।