বৈদেশিক মন্ত্ৰালয়ৰ দুই বিষয়াৰ শৰীৰত কোভিড১৯ : অন্যসকলক চেল্ফ কোৱাৰেন্টাইনৰ নিৰ্দেশ

বৈদেশিক মন্ত্ৰালয়ৰ মুখ্য কাৰ্যালয়ৰ দুই বিষয়াৰ শৰীৰ ধৰা পৰিছে কোভিড১৯। মন্ত্ৰালয়ৰল এক সূত্ৰই শনিবাৰে এই কথা প্ৰকাশ কৰিছে।

কোভিড১৯ত আক্ৰান্ত লোক দুজন মন্ত্ৰালয়ৰ মুখ্য কাৰ্যালয়ৰ চেন্ট্ৰেল ইউৰোপ শাখাৰ দুগৰাকী কণিষ্ঠ পৰ্যায়ৰ বিষয়া।

সূত্ৰটোৱে প্ৰকাশ কৰিছে যে মন্ত্ৰালয়ৰ মধ্য ইউৰোপ শাখাৰ অন্যান্য কৰ্মাচাৰী-বিষয়াসকলক যোৱা সোমবাৰ পৰা ঘৰৰ পৰাই কৰ্তব্য সম্পাদন কৰিবলৈ নিৰ্দেশ দিয়া হৈছিল।

ইফালে শুকুৰবাৰৰ পৰা আক্ৰান্ত বিষয়া দুগৰাকীৰ সংস্পৰ্শলৈ অহাসকলক চেল্ফ-কোৱাৰেন্টাইনত থাকিবলৈ নিৰ্দেশ দিয়া হৈছে।

মুখ্য কাৰ্যালয়ত কোভিড১৯ পজিটিভ লোক ধৰা পৰাৰ লগে লগে কোভিড প্ৰট’ক’লৰ অনুসাৰে ব্যৱ্স্থা ল’বলৈ বৈদেশিক মন্ত্ৰালয়ে তৎপৰতা আৰম্ভ কৰিছে বুলি সূত্ৰটোৱে প্ৰকাশ কৰিছে।

ইতিমধ্যে মন্ত্ৰালয়ৰ মধ্য ইউৰোপ শাখাৰ লগতে ইয়াৰ সংলগ্ন শাখাবোৰত সম্পূৰ্ণ চেনিটাইজ কৰা হৈছে।

উল্লেখ্য যে, বৈদেশিক মন্ত্ৰালয়ৰ মুখ্য কাৰ্যালয়ত কোভিড১৯ আক্ৰান্ত ঘটনা এইটোৱেই প্ৰথম।