একেলগে পাৰিব পঢ়িব দুটা বিষয়! উচ্চ শিক্ষাৰ ক্ষেত্ৰত এলানি পৰিৱৰ্তন আনিছে ইউ জি চিয়ে

অংক বৰ জংক পংক! মাধ্যমিক উত্তীৰ্ণৰ পাছত সেয়ে গণিত বিষয়টোকে বিদায় দিছে। ধৰি লওক আপুনি উচ্চ শিক্ষাত ইতিহাস পঢ়িবলৈ বাছি লৈছে। আপুনি আকৌ জীৱবিজ্ঞানো বৰ ভাল পায়। জীৱ আৰু জীৱবিজ্ঞানৰ বিষয়ে নতুন তথ্যৰ প্ৰতি আকৰ্ষণ আছে। কিন্তু উচ্চ শিক্ষাত দুটা বিষয়টো একেলগে পঢ়িব নোৱাৰি।

এতিয়া বিশ্ববিদ্যালয় অনুদান আয়োগে এই অসুবিধা দূৰ কৰিবলৈ নিয়মৰ এলানি পৰিৱৰ্তন আনিবলৈ ওলাইছে। কাৰ্যকৰী হ’লে ছাত্ৰ-ছাত্ৰীসকলে উচ্চ শিক্ষাত নিজৰ পছন্দৰ একাধিক বিষয় অধ্যয়ন কৰিব পাৰিব। আৰু ই কেৰিয়াৰ অৰিয়েণ্টেড হ’ব। এই পৰিৱৰ্তন সন্দৰ্ভত ইউজিচিৰ প্ৰস্তাৱক শিক্ষক সমাজে সমৰ্থন কৰিছে। ছাত্ৰ-ছাত্ৰীসকলো সুখী। অৱশ্যে কাৰ্যকৰীকৰণৰ বাবেহে এতিয়া অপেক্ষা।

ইউজিচিৰ নতুন খচৰা প্ৰস্তাৱ অনুসৰি স্নাতকৰ লগতে স্নাতকোত্তৰ পৰ্যায়তো দুটা বেলেগ বেলেগ বিষয় অধ্যয়ন কৰিবলৈ সুযোগ থাকিব। আনকি বছৰত দুবাৰকৈ নামভৰ্তি লোৱাৰ ক্ষমতা থকা বিশ্ববিদ্যালয়সমূহেও জুলাই-আগষ্ট আৰু জানুৱাৰী-ফেব্ৰুৱাৰী ছেছনতত নামভৰ্তি প্ৰক্ৰিয়া আৰম্ভ কৰিব পাৰে। ইয়াৰ উপৰিও একাধিক এন্ট্ৰি আৰু এক্সিট পইণ্ট থাকিব। অৰ্থাৎ ছাত্ৰ-ছাত্ৰীয়ে যিকোনো সময়তে পাঠ্যক্ৰম এৰি প্ৰমাণ পত্ৰ লাভ কৰিব পাৰে। পিছত আকৌ ঘূৰি অহাৰ সুযোগ থাকিব।

লগতে পঢ়কঃ দুমাহো নিটিকিল পূৰ্বৰ বিশ্ব অভিলেখ! টি-২০ ক্ৰিকেটত ৩৪৯ ৰান কৰি নতুন অভিলেখ ভাৰতত

বৃহস্পতিবাৰে ইউজিচিৰ অধ্যক্ষই এই সন্দৰ্ভত এখন বিজ্ঞপ্তি জাৰি কৰিছে। এইটো স্পষ্ট যে কেৱল অসমীয়া বা সমতুল্য বিষয় নহয়, কাৰিকৰী পাঠ্যক্ৰমো এজন ছাত্ৰই কৰিব পাৰে। অৰ্থাৎ উচ্চতৰ মাধ্যমিকৰ পাঠ্যক্ৰম যিয়েই নহওক কিয়, কোনো ছাত্ৰই যোগ্যতা পৰীক্ষাত উত্তীৰ্ণ হ’লে যিকোনো বিষয়তে উচ্চ শিক্ষাত নামভৰ্তি কৰিব পাৰিব।

ডিগ্ৰীৰ বাবে ‘ফ্লেক্সিবল এটেণ্ডেন্স পলিচি’ আৰু ‘ক্ৰেডিট ডিষ্ট্ৰিবিউশ্যন’ও আছে। ৰাষ্ট্ৰীয় শিক্ষা নীতি ২০২০ অনুসৰি ইউজিচিয়ে ইতিমধ্যে নতুন পাঠ্যক্ৰমৰ খচৰা প্ৰস্তুত কৰিছে। কোৱা হৈছে যে ছাত্ৰ-ছাত্ৰীসকলে স্নাতক আৰু স্নাতকোত্তৰত দুটা বিষয় লৈ অধ্যয়ন কৰিব পাৰিব।

ইউজিচিৰ তথ্য অনুসৰি এতিয়া উচ্চ শিক্ষাৰ ক্ষেত্ৰখনত ব্যাপক পৰিৱৰ্তন ঘটিছে। এতিয়া ছাত্ৰ-ছাত্ৰীসকলে উচ্চ শিক্ষাত এটাতকৈ অধিক বিষয় অধ্যয়নৰ প্ৰতি আগ্ৰহ প্ৰকাশ কৰিছে। দুটা বিষয় সমান্তৰালকৈ অধ্যয়ন কৰিলে ছাত্ৰজনৰ ক্ৰেডিট পইণ্ট বৃদ্ধি পাব, যিয়ে ভৱিষ্যতে তেওঁক আগবাঢ়ি যোৱাত সহায় কৰিব।

লগতে পঢ়কঃ চিবিআইৰ বেশ ধৰি ‘ডিজিটেল এৰেষ্ট’ প্ৰাক্তন ‘মিছ ইণ্ডিয়া’ক! ৯৯ হাজাৰ টকা লুটি নিলে মডেলৰ

যদি কোনো ছাত্ৰই স্নাতক পৰ্যায়ত এটা বিষয়ত ৫০ শতাংশ ক্ৰেডিট পইণ্ট লাভ কৰে, তেন্তে বাকী ৫০ শতাংশ ক্ৰেডিট পইণ্ট দক্ষতাভিত্তিক আৰু মাল্টিডিছিপ্লিনেৰী বিষয়ত অধ্যয়ন কৰিও লাভ কৰিব পাৰে।