ধাৰাবাহিক বোমা বিস্ফোৰণৰ দায়িত্ব স্বীকাৰে সংবাদ মাধ্যমলৈ বিবৃতি আলফা (স্বাধীন)ৰ
গণৰাজ্য দিৱসত উজনি অসমত ধাৰাবাহিক বোমা বিস্ফোৰণৰ দায়িত্ব স্বীকাৰ কৰিছে আলফা স্বাধীনে।
সংবাদ মাধ্যমলৈ প্ৰেৰণ কৰা এটা প্ৰেছ বিবৃতিৰ জৰিয়তে আলফা (স্বা:)ৰ প্ৰচাৰ বিভাগৰ হৈ লেফটেনেণ্ট জয় অসমে সশস্ত্ৰ বিদ্ৰোহী সংগঠনটোৱে আজি উজনি অসমৰ ডিব্ৰুগড়, দুলীয়াজান, সোণাৰি আৰু ডুমডুমাত বোমা বিস্ফোৰণৰ ঘটোৱা বুলি জানিবলৈ দিছে।
স্বাধীন অসমৰ দাবীত অতল থাকি সশস্ত্ৰ কাৰ্য্যকলাপ চলাই অহা বিদ্ৰোহী সংগঠনটোৰ বিবৃতিটোত কোৱা হয়, “আজি ইং ২৬ জানুৱাৰি, ২০২০ ঔপনিৱেশিক ভাৰত ৰাষ্ট্ৰৰ তথাকথিত গণতন্ত্ৰ দিৱসৰ প্ৰাকমুহূৰ্তত পুৱা ৮ বজাৰ পৰা অসমৰ তিনিখন জিলাত ধাৰাবাহিকভাৱে হোৱা বোমা বিস্ফোৰণ “সংযুক্ত মুক্তি বাহিনী, অসম (স্বাধীন)”ৰ অধীনস্থ “সংযুক্ত মুক্তি ফৌজ, অসম (স্বাধীন)”ৰ সেনানীৰ দ্বাৰা সংঘটিত কৰা হৈছিল।”
আজি কটকটীয়া নিৰাপত্তাৰ মাজত অনুষ্ঠিত গণৰাজ্য দিৱসৰ দিনটোতে পুৱাৰ ভাগত ৰাজ্যখনত ৫টা বিস্ফোৰণ সংঘটিত হয়।
ডিব্ৰুগড়ত দুটা আৰু দুলীয়াজান, সোণাৰি আৰু ডুমডুমাত একোটাকৈ বোমা বিস্ফোৰণ হয়।
কম ক্ষমতা সম্পন্ন বোমাকেইটাৰ বিস্ফোৰণৰ ফলত কোনো লোক হতাহত হোৱা নাই যদিও ই ৰাজ্যত আলফা (স্বা:)ৰ শক্তি পুনৰ সক্ৰিয় হৈ উঠাৰ উমান দিছে।
আনহাতে মুখ্য মন্ত্ৰী সৰ্বানন্দ সোণোৱালে বোমা বিস্ফোৰণ ঘটোৱাক তীব্ৰ গৰিহণা দি ইয়াক কাপুৰুষালি আখ্যা দিছে।
You may also like
শুনাত দেখা দিছিল সমস্যাই! মহিলাৰ কাণত বাহ সাজিছিল মকৰাই, তাৰপিছত…
কাণৰ ভিতৰত অস্বাভাৱিক শব্দ। লগতে সামান্য অস্বস্তি। তাৰপিছত? অত্যাধুনিক কাণ চাফা কৰা যন্ত্ৰটোত ধৰা পৰিল ভিতৰত মকৰাই বাহ সাজিছে! লগে লগে চকু…
বৰগীত প্ৰতিযোগিতা : শ্ৰীমন্ত শংকৰ একাডেমীৰ শ্ৰেয়া, বিমৃশাই লাভ কৰিছে প্ৰথম পুৰস্কাৰ
শ্ৰীমন্ত শংকৰ একাডেমী উচ্চতৰ মাধ্যমিক বিদ্যালয়ে গুৱাহাটীৰ দিচপুৰৰ ইয়াৰ বিদ্যালয় চৌহদত বিদ্যালয়খনৰ প্ৰতিষ্ঠাপক সভানেত্ৰী প্ৰয়াত বীনা চৌধুৰীৰ স্মৃতিত শনিবাৰে এখন আন্ত:বিদ্যালয় বৰগীত…
গছ স্থানান্তৰণ অন্তিম বিকল্পঃ গুৱাহাটীত অনুষ্ঠিত এক ৰাজহুৱা বক্তৃতাত বেংগালুৰুৰ পৰিৱেশকৰ্মী দত্তাত্রেয় টি দেৱৰে
আজি বেংগালুৰুৰ খ্যাতনামা পৰিৱেশকৰ্মী দত্তাত্ৰেয় টি দেৱৰে গুৱাহাটীৰ মাছখোৱাত অৱস্থিত প্ৰাগজ্যোতি সাংস্কৃতিক প্ৰকল্পৰ ছেমিনাৰ হলত ‘আন্তঃগাঁথনি নিৰ্মাণৰ বাবে গছ ধ্বংস: উন্নয়ন আৰু…
নিউ বঙাইগাঁৱৰ ৰে’লৱে জংচনত চুৰি স্কুটীসহ দুই চোৰক আটক
বঙাইগাঁও চহৰৰ নিউ বঙাইগাঁও ৰে’লৱে জংচনৰ সন্মুখত আৰক্ষীয়ে এখন চুৰি স্কুটীসহ দুজন কুখ্যাত চোৰক কৰায়ত্ব কৰে ৷ ধৃত চোৰ দুজন চিৰাং জিলাৰ…