বৃদ্ধাশ্ৰম উদং কৰি চিৰবিদায় স্বাধীন অসমৰ স্বপ্নদ্ৰষ্টা মুকুল মহন্ত পত্নীৰ

মাদাৰ অ’ল্ড এ’জ হ’ম উদং কৰি শনিবাৰে পুৱা চিৰবিদায় মাগিছে স্বাধীন অসমৰ স্বপ্নদ্ৰষ্টা মুকুল মহন্তৰ পত্নী মিনতি মহন্তই।

পুৱা ১০:০৫ত হাতীগাওঁস্থিত বৃদ্ধাবাসটোত মৃত্যুক সাবটি লয় বৃদ্ধাগৰাকীয়ে। ৭৮ বছৰ বয়সত মৃত্যু হোৱা মহন্ত এলজেইমাৰ ৰোগত আক্ৰান্ত হৈ আছিল।

২০১৭ চনৰ ২০ ডিচেম্বৰত স্বামী মহন্তৰ মৃত্যুৰ পিছত অকলশৰীয়া হৈ পৰা মাকক বৃদ্ধাৱাসটোত ৰাখিছিল এমেৰিকাত থকা পুত্ৰ অৰ্ণৱ মহন্তই। অৰ্ণৱে তেওঁলোকৰ নুনমাটিস্থিত ঘৰটো বৃদ্ধাশ্ৰমটোক দান দিছিল।

মুকুল মহন্তৰ বিষয়ে জানিবলৈ পঢ়ক

বৰ্তমানলৈকে বৃদ্ধাৱাসটো মহন্তহঁতৰ নুনমাটি মঠঘৰীয়াৰ ঘৰটোলৈ স্থানান্তৰ হোৱা নাই যদিও ইতিমধ্যে তাত স্থায়ী গৃহ নিৰ্মাণ আৰম্ভ হৈছে।

শাৰীৰিক অসুস্থতাৰ বাবে এমেৰিকাৰ পৰা পুত্ৰ অৰ্ণৱ আহিব নোৱাৰাত নৱগ্ৰহ শ্মশানত সন্ধিয়া ৬:৩০ বজাত মৃত মহন্তৰ শেষকৃত্য সম্পন্ন কৰে বৃদ্ধাশ্ৰমখনৰ পৰিচালক হৰ্ষবৰ্ধনে।