ভুৱা আছিল আৰক্ষী কৰ্মীলৈ শিলগুটি নিক্ষেপৰ অভিযোগ! ওমৰ খালিদক দোষমুক্ত ঘোষণা আদালতৰ
কাৰাৰুদ্ধ ছাত্ৰনেতা ওমৰ খালিদৰ ওপৰত ভুৱাকৈ আৰোপ কৰা হৈছিল এক বিশেষ গোচৰ। কৰ্তব্যৰত আৰক্ষী কৰ্মীলৈ শিলগুটি নিক্ষেপৰ অভিযোগ তুলি খালিদৰ বিপক্ষে যি গোচৰ আৰোপ কৰা হৈছিল, অৱশেষত দুটা বছৰৰ পিছত এই গোচৰত ছাত্ৰ নেতাগৰাকীক দোষমুক্ত ঘোষণা কৰিছে আদালতে।
লাইভ ল’-ত প্ৰকাশিত বাতৰি অনুসৰি ২০২০ চনৰ উত্তৰ-পূব দিল্লীৰ হিংসাত্মক সংঘৰ্ষ সম্পৰ্কীয় গোচৰত আজি দিল্লীৰ আদালতে জে এন ইউৰ প্ৰাক্তন ছাত্ৰ নেতা খালিদ আৰু খালিদ ছাইফীক দোষমুক্ত ঘোষণা কৰে।
এই দুই নেতাৰ উপৰিও তাৰিক মঈন ৰিজৱী, জাগৰ খান আৰু মহম্মদ ইলিয়াছক আদালতে মুকলি কৰি দিছে। অৱশ্যে খালিদ আৰু ছাইফি UAPA গোচৰত এইপৰ্যন্ত জামিন লাভ নকৰাৰ বাবে ন্যায়িক জিম্মাতে থাকিব লাগিব।
উল্লেখ্য যে এই গোচৰটো দিল্লীৰ খাজুৰি খাছ অঞ্চলত সংঘটিত অগ্নিসংযোগৰ ঘটনাৰ সৈতে জড়িত। ২০২০ চনৰ ২৪ ফেব্ৰুৱাৰীত অঞ্চলটোৰ পাৰ্কিং লটত কেইবাখনো বাহন জ্বলাই দিয়াৰ উপৰিও মেইন কৰোৱাল নগৰ পথত শিলগুটি নিক্ষেপ কৰা বুলি কনিষ্টবল সংগ্ৰাম সিঙে দিয়া ভাষ্যৰ ভিত্তিত এই গোচৰৰ ৰুজু কৰা হৈছিল।
২০২০ চনৰ ছেপ্টেম্বৰ মাহত দিল্লী আৰক্ষীয়ে গ্ৰেপ্তাৰ কৰা উমৰ খালিদে ইতিপূৰ্বে এই হিংসাত্মক কাণ্ডত কোনো ধৰণৰ অপৰাধমূলক ভূমিকাৰ লগতে বিষয়টোৰ আন কোনো অভিযুক্তৰ সৈতে কোনো ধৰণৰ সংযোগ থকাৰ অভিযোগ অস্বীকাৰ কৰিছে।
You may also like
চীনে দখল কৰিছে নেপালৰ ভূমি; কাঠমাণ্ডুত উত্তাল প্ৰতিবাদ
চীনে নেপালৰ ভুমি দখল কৰাৰ অভিযোগ তুলি দেশখনৰ বিৰুদ্ধে উত্তাল হৈ পৰিছে কাঠমাণ্ডু। কাঠমাণ্ডুত বৃহস্পতিবাৰে এক প্ৰতিবাদী সমদলৰ আয়োজন কৰে লোকতান্ত্ৰিক যুৱ…
প্ৰথমে সমকামী ডেটিং এপত বাৰ্তালাপ, হোটেললৈ মাতি নগ্ন ফটো তুলি ডাক্তৰক ব্লেকমেইলঃ সৰকালে ৮ লাখ টকা
সমকামী ডেটিং এপত চা-চিনাকি। তাৰ পাছত হোটেলৰ কোঠাত সাক্ষাৎ। তাতেই ঘটিল অঘটন। ৫৭ বছৰীয়া চিকিৎসকৰ নগ্ন ফটো তোলাৰ পৰাই আৰম্ভ হৈছিল এই…
ধৰ্মান্তৰকৰণ বিৰোধী আইনৰ বৈধতা পৰীক্ষা কৰিবলৈ সন্মত উচ্চতম ন্যায়ালয়
দেশৰ ১২ খন ৰাজ্যত বলবৎ হৈ থকা ধৰ্মান্তৰকৰণ বিৰোধী আইনসমূহৰ সাংবিধানিক বৈধতা পৰীক্ষা কৰিবলৈ সন্মতি প্ৰকাশ কৰিছে ভাৰতৰ উচ্চতম ন্যায়ালয়ে। খ্ৰীষ্টান ধৰ্মীয়…
অপাৰেশ্যন মহাদেৱ : সেনাৰ গুলীত নিহত পেহেলগাম কাণ্ডৰ ৩ দুধৰ্ষ সন্ত্ৰাসবাদী
সংসদত প্ৰতিৰক্ষা মন্ত্ৰী ৰাজনাথ সিঙে অপাৰেশ্যন সিন্দুৰৰ বিতৰ্ক আৰম্ভ কৰাৰ সময়তে আজি শ্ৰীনগৰৰ সমীপত হোৱা এক এনকাউণ্টাৰত তিনিটা পাকিস্তানী সন্ত্ৰাসবাদীক গুলীয়াই হত্যা…