কোভিড১৯ প্ৰতিৰোধী ল’কডাউনৰ সময়ছোৱাত শিশু জন্মৰ ক্ষেত্ৰত বিশ্বৰ শীৰ্ষত থাকিব ভাৰত

মহামাৰী ক’ৰ’না প্ৰতিৰোধৰ বাবে দেশত অব্যহাত থকা ল’কডাউনৰ সময় ভাৰতত জন্ম হ’ব বিশ্বৰ ভিতৰতে সৰ্বাধিক শিশু। এই কথা প্ৰকাশ কৰিছে ৰাষ্ট্ৰ সংঘই।

বৃহস্পতিবাৰে ৰাষ্ট্ৰ সংঘই কয় যে বিশ্বজুৰি ক’ৰ’না প্ৰতিৰোধৰ বাবে ল’কডাউনৰ ফলত সমগ্ৰ বিশ্বতে প্ৰায় ১১৬ মিলিয়ন নৱজাতকে জন্ম লাভ কৰিব।

আৰু ইয়াৰে ২০ মিলিয়ন নৱজাতক জন্ম লাভেৰে ভাৰত শীৰ্ষত থাকিব।

একেদৰে চীনত ১৩.৫ মিলিয়ন, নাইজেৰিয়াত ৬.৪ মিলিয়ন, পাকিস্তানত ৫ মিলিয়ন আৰু ইণ্ডোনেছিয়াত ৪ মিলিয়ন নৱজাতকে জন্ম লাভ কৰিব বুলি প্ৰকাশ কৰিছে ৰাষ্ট্ৰ সংঘই।

আনহাতে আমেৰিকা যুক্তৰাষ্ট্ৰই ৩.৩ মিলিয়ন নৱজাতক জন্ম লাভেৰে ষষ্ঠ স্থানত থাকিব।

ৰাষ্ট্ৰ সংঘই বিশ্ব স্বাস্থ্যই এই সমীক্ষা সংস্থা(WHO) মূল্যায়নৰ ওপৰত নিৰ্ভৰ কৰা হৈছে বুলি জানিবলৈ দিছে।

এই সমীক্ষাত সময়সীমা হিচাপে ২০২০ চনৰ ১১ মাৰ্চৰ পৰা ১৬ ডিচেম্বৰলৈকে মুঠ ৪০ টা সপ্তাহক ধৰা হৈছে।

ল’কডাউনৰ সময়ছোৱাত স্বামী-স্ত্ৰীৰ অসুৰক্ষিত যৌন মিলনৰ বাবেই জন্মৰ হাৰ বৃদ্ধি পাব বুলি ধাৰণা কৰা হৈছে।