ব্ৰহ্মপুত্ৰ নদীত উপঙি থকা অৱস্থাত উদ্ধাৰ অচিনাক্ত মৃতদেহ

দেওবাৰে ব্ৰহ্মপুত্ৰ নদীত উপঙি থকাৰ অৱস্থাত উদ্ধাৰ হয় এটি অচিনাক্ত মৃতদেহ। ডিব্ৰুগড়ত উদ্ধাৰ হৈছে এই মৃতদেহটো।

স্থানীয় লোকে মৃতদেহটো প্ৰত্যক্ষ কৰা লগে লগেই তৎক্ষণাত আৰক্ষী আৰু ৰাজ্যিক দুৰ্যোগ সঁহাৰি বাহিনীৰ জোৱানসকলে মৃতদেহটো উদ্ধাৰৰ বাবে ঘটনাস্থলীত থিতাতে উপস্থিত হয়।

এই ঘটনাই স্থানীয় ৰাইজক গভীৰভাৱে উদ্বিগ্ন কৰি তুলিছে।

ইয়াৰ পূৰ্বে ১১ জুনত বিশ্বনাথ জিলাৰ বুঢ়ীগাঙত উদ্ধাৰ হৈছিল এটা মৃতদেহ। সূত্ৰই জনোৱা মতে, বুঢ়ীগাং নদীত হাত-ভৰি বান্ধি এটা বেগত ভৰাই থোৱা অৱস্থাত উদ্ধাৰ হয় মৃতদেহটো।

মৃত ব্যক্তিজন বিশ্বনাথ জিলাৰ বাঘমাৰীৰ সুতপাম গাঁৱৰ এজন নূৰ হোকে বুলি চিনাক্ত কৰা হৈছে।