Women Football ৰাজ্যৰ ক্ৰীড়াজগতৰ বাবে ভাল খৱৰ; দুভৰিৰ যাদুৰে বিশ্বজিনাৰ সপোন একাংশ যুৱতী-কিশোৰীৰ
Women Football অসমৰ ক্ৰীড়া জগতৰ বাবে আন এটা ভাল খবৰ ৷ গোৱালপাৰাৰ প্ৰতিখন খেলপথাৰতে এতিয়া চলিছে যুৱতী-কিশোৰীৰ দুভৰিৰ যাদু। ৰাজ্যৰ ক্ৰীড়া ক্ষেত্ৰত নক্ষত্ৰৰ দৰে উজলিবলৈ সাজু হৈছে দুধনৈৰ অৰ্ধশতাধিক যুৱতী-কিশোৰী ৷ দুভৰিৰ যাদুৰে বিশ্বজিনাৰ সপোন ৰচিছে এইসকল যুৱতী-কিশোৰীয়ে ৷
শেহতীয়াকৈ দুধনৈৰ কেইবাখনো খেলপথাৰত চলি আছে ফুটবল খেলৰ প্ৰতিযোগিতা।
ক’ভিড হ্ৰাস হোৱাৰ লগে লগে ক্ৰমাৎ স্বাভাৱিক জীৱন যাত্ৰা উভতি আহিছে ৰাজ্যলৈ ৷ ক’ভিড সৃষ্ট পৰিৱেশ উন্নিত হোৱাৰ বাবে দুধনৈৰ গাঁৱেভূঞে আৰম্ভ হৈছে ফুটবল খেলৰ প্ৰতিযোগিতা ৷
ইয়াৰ মাজতে গুৰুত্বপূৰ্ণ আৰু প্ৰশংসনীয় দিশটো হ’ল এই প্ৰতিযোগিতা সমূহত শেহতীয়াকৈ দেখিবলৈ পোৱা গৈছে অতি কমেও একোখনকৈ হ’লেও যুৱতী-কিশোৰী ফুটবল খেলৰ আয়োজন কৰিছে আয়োজক সমিটি সমূহে ৷
লক্ষ্য আৰু উদ্যেশ্য মাত্ৰ এটাই, সেয়া হ’ল- গোৱালপাৰা জিলাৰ যুৱতী-কিশোৰী সকলক ফুটবলৰ প্ৰতি আকৰ্ষণ বৃদ্ধি কৰা আৰু ইচ্ছুক যুৱতীসকলক খেলপথাৰত দুভৰিৰ যাদু দেখুৱাবলৈ সুযোগ প্ৰদান কৰা ৷
এনে মহান উদ্যেশ্য আগত ৰাখিয়েই এই পদক্ষেপ গ্ৰহণ কৰা জিলাখনৰ বিভিন্ন গাঁৱৰ লগতে কৃষ্ণাইৰ শালপাৰাৰ ৰাজহুৱা খেলপথাৰত শালপাৰা আঞ্চলিক বহুমুখী যুৱ সংঘই আয়োজন কৰা ফুটবল টুৰ্নামেণ্ট চলি থকাৰ মাজতে সমিতিয়ে আয়োজন কৰে যুৱতী-কিশোৰীৰ মাজত এখনি ফুটবল মেচ ৷
ইয়াত অংশগ্ৰহণ কৰে কোকৰাঝাৰ ছোৱালী ফুটবল দল আৰু ৰঙিয়া ছোৱালী ফুটবল দলে ৷ অতি আকৰ্ষণীয় আৰু উত্তেজনাপূৰ্ণ খেলখন উপভোগ কৰিবলৈ খেলপথাৰত ভিৰ কৰিলে পুৰুষৰ লগতে বহু যুৱতী-মহিলাই ৷
Also Read: দেশৰ কেইবাখনো মহানগৰত নতুনকৈ স্থাপন হ’ব অসম ভৱন
দুয়োটা দলৰে কিশোৰী সকলে সুন্দৰ খেল প্ৰদৰ্শন কৰে আৰু দৰ্শকক আপ্লুত কৰে ৷ এই বিশেষ খেলখন কেৱল মাথোঁ ৰাইজক আমোদ দিয়াৰ বাবেই নহয় বৰং যুৱতী সকলক ফুটবলৰ প্ৰতি আকৰ্ষিত কৰাৰ বাবেহে অনুষ্ঠিত কৰা হৈছিল ৷
মোবাইল, ইন্টাৰনেটৰ যুগৰ এই সময়ত আজিৰ বেছিভাগ সন্তানে মোবাইলত গেম খেলাত ব্যস্ত থকা দেখা যায় যদিও গোৱালপাৰাৰ বিভিন্ন গাঁৱৰ এই প্ৰশংসনীয় পদক্ষেপৰ বাবে এতিয়া বহু যুৱতী-কিশোৰীয়ে মোবাইলৰ গেম এৰি খেলপথাৰত সময় অতিবাহিত কৰিবলৈ আৰম্ভ কৰিছে আৰু এয়া ৰাজ্যৰ ক্ৰীড়া জগতখনৰ বাবে নিতান্তই এক ভাল খবৰ ৷
You may also like
কুলভূষণ যাদৱক পাকিস্তানৰ হাতত তুলি দিয়া ইৰানৰ সন্ত্ৰাসবাদী নিহত হ’ল পাক সেনাৰ গুলীতে
ভাৰতীয় নৌসেনাৰ প্ৰাক্তন বিষয়া কুলভূষণ যাদৱক পাকিস্তানৰ হাতত তুলি দিয়া ইৰানৰ দুৰ্ধৰ্ষ সন্ত্ৰাসবাদী মোল্লা ওমৰৰ অৱশেষত পাক সেনাৰ গুলীতে মৃত্যু ঘটিছে। ইৰানৰ…
নাগৰিকত্ব বিধেয়ক পাছ হ’লে বেলেগ ৰূপ ল’ম বোলা জুবিনে শীঘ্ৰেই শিকিব বক্সিং
বিজেপি চৰকাৰে উত্থাপন কৰা নাগৰিকত্ব বিধেয়ক গৃহীত হ’লে ‘বেলেগ হ’ব যুদ্ধ। পাছ হ’লে আকৌ বেলেগ ৰূপ ল’ম’ বুলি যুদ্ধংদেহি ৰূপ লোৱা জুবিন…
ক’ভিড-১৯ : সকলো ৰেচন কাৰ্ডৰ গৰাকীলৈ দুমাহৰ বাবে বিনামূলীয়া ৰেচন প্ৰদান কৰিব দিল্লী চৰকাৰে
দিল্লীৰ মুখ্যমন্ত্ৰী অৰবিন্দ কেজৰিৱালে মঙলবাৰে ঘোষণা কৰিছে যে ৰাজ্যখনৰ প্ৰায় ৭২ লাখ ৰেচন কাৰ্ডৰ গৰাকীলৈ দুমাহৰ বাবে বিনামূলীয়াভাৱে ৰেচন প্ৰদান কৰা হ’ব।…
অসমক বিশ্বৰ দৰবাৰত প্ৰতিষ্ঠা কৰাৰ বাবে আমাক সমন্বয় লাগে, সংঘাত নহয়: মুখ্যমন্ত্ৰী সোণোৱাল
ভাৰতীয় জনতা পাৰ্টিৰ আদৰ্শ, নীতি তথা মূল্যবোধৰ প্ৰতি আকৰ্ষিত হৈ দেওবাৰে ৰাজ্যখনৰ বিভিন্ন প্ৰান্তৰ প্ৰায় ১৩ শতাধিক কলা কুশলীয়ে আনুষ্ঠানিকভাৱে বিজেপিত যোগদান…