নেডাৰলেণ্ডৰ সংগ্ৰহালয়ৰ পৰা চুৰি ভেন গ’খৰ পেইণ্টিং

বিশ্ব বিশ্ৰুত চিত্ৰ শিল্পী ভিনচেন্ট ভেন গ’খৰ এখন বিখ্যাত পেণ্টিং চুৰি হৈছে।

যোৱা দেওবাৰে নেডাৰলেণ্ডৰ ছিঙ্গাৰ লাৰেন সংগ্ৰহালয়ৰ পৰা চুৰি হৈছে পেইণ্টিংখন। সংগ্ৰহালয়ৰ সঞ্চালক জন ৰুড’ল্ফ ডি ৰ’ৰ্মে সংবাদ মাধ্যমৰ আগত এইকথা প্ৰকাশ কৰিছে।

সংগ্ৰহালয়টো ভাঙি পেণ্টিঙখন চুৰি উধাও হয় চোৰ। ইতিমেধ্যে আৰক্ষীয়ে পেইণ্টিঙখন উদ্ধাৰৰ বাবে তদন্তৰ অভিযান আৰম্ভ কৰিছে।

সংগ্ৰহালয়ৰ কৰ্তৃপক্ষই জানিবলৈ দিয়া মতে যোৱা দেওবাৰে স্থানীয় সময় অনুসৰি নিশা ৩.১৫ বজাত সংগ্ৰহালয়ৰ পেণ্টিঙখন থকা নিৰ্দিষ্ট ষ্টলটো ভাঙি চোৰে পেইণ্টিঙখন লৈ উধাও হয়।

চুৰি হোৱা পেইণ্টিঙখন হৈছে ১৮৮৪ চনত শিল্পীজনে অঁকা ‘স্প্ৰীঙ গাৰ্ডেন’।

উল্লেখ্যে যে, সমগ্ৰ বিশ্বতে সংহাৰী ৰূপ ধাৰণ ক’ৰ’না ভাইৰাছৰ সংক্ৰমণৰ প্ৰতিৰোধৰ বাবে সংগ্ৰহালয়খন বন্ধ ৰখা হৈছে।