এনে খেলুৱৈ এটা প্ৰজন্মত এগৰাকীহে আহে আৰু ৰাষ্ট্ৰই তেওঁক মনত ৰাখে; জন্মদিনত ধোনীক শুভেচ্ছা ছেহৱাগৰ

ভাৰতীয় ক্ৰিকেট দলৰ প্ৰাক্তন বিশ্বকাপ বিজয়ী অধিনায়ক মহেন্দ্ৰ সিং ধোনীৰ ৩৯ সংখ্যক জন্মদিনত শুভেচ্ছা জ্ঞাপন কৰিছে প্ৰাক্তন মাৰমুখী অপেনিং বেটছমেন বিৰেন্দাৰ ছেহৱাগে।

”এটা প্ৰজন্মত এবাৰহে এনে এজন ক্ৰিকেটাৰ আহে যাৰ সৈতে সমগ্ৰ ৰাষ্ট্ৰই একাত্মতা বোধ কৰে….ক্ৰিকেটাৰ গৰাকীক একেবাৰে আপোন আপোন লাগে। জন্মদিনৰ শুভেচ্ছা ধোনী যাক সমগ্ৰ ক্ৰিকেটা বিশ্বই নিজৰ শৈলীৰ বাবে মনত ৰাখিছে,” ছেহৱাগে লিখে।

মহেন্দ্ৰ সিং ধোনীৰ জন্মদিনত শচীন টেণ্ডুলকাৰ, সৌৰভ গাংগুলীকে ধৰি বৰ্তমানৰ খেলুৱৈ সকল বিৰাট কোহলী, ৰোহিত শৰ্মা আদিয়ো শুভেচ্ছা জ্ঞাপন কৰে।

ধোনীৰ চেন্নাই চুপাৰ কিংছৰ দলীয় সতীৰ্থ ডুৱেইন ব্ৰেভই ধোনীৰ জন্মদিন উপলক্ষ্যে হেলিকপ্তাৰ-৭ নামৰ এটা গীত মুকলি কৰি শুভেচ্ছা জ্ঞাপন কৰে।

ভাৰতৰ লগত অষ্ট্ৰেলিয়া, ৱেষ্ট ইণ্ডিজ, ইংলেণ্ড আদি সকলো দলৰ ক্ৰিকেটাৰ সকলে মহেন্দ্ৰ সিং ধোনীক জন্মদিনৰ ওলগ জনায়।

মহেন্দ্ৰ সিং ধোনীৰ নেতৃত্বতে ভাৰতে ২০১১ চনত এদিনীয়া বিশ্বকাপ আৰু ২০০৭ চনত টি-২০ বিশ্বকাপ দখল কৰিবলৈ সক্ষম হৈছিল।