LOKSABHA ELECTION 2024: উত্তৰ-পূবৰ ১৫খন লোকসভাৰ আসনৰ বাবে আৰম্ভ ভোটগ্ৰহণ

উত্তৰ-পূৰ্বাঞ্চলৰ ১৫টা লোকসভা সমষ্টিত ভোটদান প্ৰক্ৰিয়া আৰম্ভ হৈছে। শুকুৰবাৰে (১৯ এপ্ৰিল) নিম্ন সদনৰ প্ৰথম পৰ্যায়ৰ নিৰ্বাচনত ভোটগ্ৰহণ হ’বলগীয়া ১০২খন আসনৰ ভিতৰত উত্তৰ-পূৰ্বাঞ্চলৰ ১৫খন লোকসভা আসন অন্যতম।

উত্তৰ-পূবৰ আঠখন ৰাজ্যৰ সামূহিকভাৱে ২৫খন লোকসভাৰ আসন আছে, ইয়াৰে ১৫খন আসনত শুকুৰবাৰে (১৯ এপ্ৰিল) ভোটগ্ৰহণ হৈছে।

শুকুৰবাৰে (১৯ এপ্ৰিল) পুৱা ৭ বজাৰ পৰা ভোটগ্ৰহণ প্ৰক্ৰিয়া আৰম্ভ হয়। অসমত লোকসভাৰ ১৪খন আসনৰ ভিতৰত ৫টা সমষ্টিত ভোটগ্ৰহণ অনুষ্ঠিত হৈছে।

প্ৰথম পৰ্যায়ৰ নিৰ্বাচনত শুকুৰবাৰে ভোটগ্ৰহণ অনুষ্ঠিত হোৱা অসমৰ ৫খন লোকসভা আসন হ’ল- ডিব্ৰুগড়, যোৰহাট, কাজিৰঙা, লখিমপুৰ আৰু শোণিতপুৰ।

লগতে পঢ়কঃ IPL 2024: পুনৰ সূৰ্যৰ উত্তাপ, বুমৰাহ-কোয়েৎজিৰ বলিং বিক্ৰমেৰে উজলিল মুম্বাই; ৯ ৰানত হৰুৱালে পঞ্জাৱক

একেদৰে অৰুণাচল প্ৰদেশ, মণিপুৰ আৰু মেঘালয়ৰ দুখনকৈ লোকসভা আসনত, ত্ৰিপুৰাৰ এখন আসনৰ লগতে মিজোৰাম, ছিকিম আৰু নাগালেণ্ডৰ এখনকৈ আসনতো শুকুৰবাৰে ভোটগ্ৰহণ প্ৰক্ৰিয়া আৰম্ভ হৈছে।

প্ৰথম পৰ্যায়ত প্ৰতিদ্বন্দ্বিতা কৰা উল্লেখযোগ্য প্ৰাৰ্থীসকলৰ ভিতৰত আছে ডিব্ৰুগড় আসনৰ বাবে প্ৰতিদ্বন্দ্বিতা কৰা কেন্দ্ৰীয় মন্ত্ৰী সৰ্বানন্দ সোণোৱাল আৰু যোৰহাটৰ পৰা লোকসভাত কংগ্ৰেছ দলৰ উপ-নেতা গৌৰৱ গগৈ।

ত্ৰিপুৰা পশ্চিম লোকসভাৰ আসনৰ পৰা প্ৰতিদ্বন্দ্বিতা কৰাসকলৰ ভিতৰত আছে ত্ৰিপুৰাৰ প্ৰাক্তন মুখ্যমন্ত্ৰী তথা ৰাজ্যসভাৰ সাংসদ বিপ্লৱ দেৱ।

মেঘালয়ত গুৰুত্বপূৰ্ণ প্ৰাৰ্থীৰ ভিতৰত আছে তুৰা সমষ্টিৰ প্ৰাক্তন কেন্দ্ৰীয় মন্ত্ৰী তথা এন পি পি নেত্ৰী আগাথা চাংমা আৰু শ্বিলং আসনৰ পৰা মেঘালয় কংগ্ৰেছৰ সভাপতি ভিনচেণ্ট পালা।

তদুপৰি, মেঘালয়ৰ স্বাস্থ্যমন্ত্ৰী তথা এনপিপি নেতা ডাঃ আম্পাৰিন লিংডোৱে শ্বিলং লোকসভাৰ আসনৰ পৰা প্ৰতিদ্বন্দ্বিতা আগবঢ়াইছে।

লগতে পঢ়কঃ নৰসিংহ ৰাও,মনমোহন সিঙৰ অৰ্থনৈতিক অৱদানক ভূয়সী প্ৰশংসা মোদী চৰকাৰৰ

আনহাতে, অৰুণাচল পশ্চিম আসনৰ বাবে কংগ্ৰেছৰ হেভিৱেট নবাম টুকিৰ বিৰুদ্ধে থিয় দি একেৰাহে চতুৰ্থবাৰৰ বাবে আকৰ্ষণীয় কাৰ্যভাৰ বিচাৰিছে কেন্দ্ৰীয় মন্ত্ৰী তথা বিশিষ্ট বিজেপি নেতা কিৰেন ৰিজিজুৱে।

ছিকিমত আজি একেলগে প্ৰথম পৰ্যায়ৰ লোকসভা নিৰ্বাচন ২০২৪ আৰু ৰাজ্য বিধানসভা নিৰ্বাচনৰ ভোটদান প্ৰক্ৰিয়া আৰম্ভ হৈছে।

#WATCH | Assam: Congress MP and candidate from Jorhat Lok Sabha seat, Gaurav Gogoi says "It is an important day today and I appeal to everyone to come out of their houses and cast their votes to save the democracy and the culture of the country…"#LokSabhaElections2024 pic.twitter.com/y7Gbb8ARtz

— ANI (@ANI) April 19, 2024

কংগ্ৰেছৰ সাংসদ তথা যোৰহাট লোকসভা আসনৰ প্ৰাৰ্থী গৌৰৱ গগৈয়ে কয় যে “আজিৰ দিনটো এটা গুৰুত্বপূৰ্ণ দিন আৰু সকলোৱে ঘৰৰ পৰা ওলাই আহি ভোটদান কৰি দেশৰ গণতন্ত্ৰ আৰু সংস্কৃতি বচাবলৈ আহ্বান জনাইছো…”