সাপে দংশন কৰিলে কি কি কৰিব লাগে আৰু কি কি কৰিব নালাগে?
বাৰিষাৰ সময়ত গ্ৰাম্য অঞ্চলৰ বিভিন্ন ঠাইত সাপৰ প্ৰাদুৰ্ভাৱ বাঢ়ি যায়। সাপৰ দংশনত প্ৰতি বছৰে ভাৰতত বহু লোকৰ মৃত্যু হয়।
আচলতে বিষাক্ত সাপে দংশন কৰাৰ পিছত সজাগতা আৰু অন্ধবিশ্বাসৰ বাবে সাধাৰণ মানুহে এনে কিছুমান ভুল কৰি পেলায় যাৰ ফলত জীৱন ৰক্ষা কৰাতো কঠিন হৈ পৰে।
সাপে দংশন কৰিলে কি কি কৰিব লাগে আৰু কি কি কৰিব নালাগে –
সাপে দংশন কৰাৰ পিছত কিছুমান মৌলিক সাৱধানতা অৱলম্বন কৰি ততাতৈয়াকৈ চিকিৎসালয়লৈ যাব লাগে। তেতিয়াহে জীৱন ৰক্ষা কৰিব পৰা যাব।
সাপে কামোৰাৰ পিছত আতংকিত হ’ব নালাগে। কিয়নো সকলো সাপ বিষাক্ত নহয়।
সাপে কামোৰাৰ পিছত সাপটো ধৰিবলৈ গৈ কেতিয়াও সময় নষ্ট নকৰিব। তাৰ সলনি ততাতৈয়াকৈ হাস্পাতাললৈ যাওক।
সাপে কামোৰাৰ পিছত কামোৰা অংগটো লৰচৰ নকৰিব। অংগটো স্থিৰ কৰি ৰাখিবলৈ চেষ্টা কৰক।
সাপে দংশন কৰা অংগখিনি কাপোৰ বা বেণ্ডেজেৰে মেৰিয়াই লওক। কিন্তু বেছি জোৰেৰে বান্ধিব নালাগে।
সাপে দৰ্শন কৰিলে কোনো ধৰণৰ মলম লগাব নালাগে। বৰফ বা ডেটলৰ দৰে বস্তু প্ৰয়োগ কৰাৰ প্ৰয়োজন নাই।
বিষাক্ত সাপৰ দংশনৰ পিছত একমাত্ৰ চিকিৎসা হাস্পাতালতহে সম্ভৱ হ’ব। গতিকে অন্ধবিশ্বাসত বুৰ গৈ বেজ-বেজালিৰ কাষ নাচাপিব।