‘মা ক’ত আছে? সোমবাৰে উচ্চতম ন্যায়ালয়ত প্ৰতিধ্বনিত হ’ল এজন পুত্ৰৰ হাহাকাৰ

অসম চৰকাৰে মনোৱাৰা বেভা নামৰ এগৰাকী মহিলাক বাংলাদেশলৈ প্ৰত্যাৰ্পণৰ পূৰ্বে ‘বিনা ন্যায়বিচাৰে’ অবৈধভাৱে আটক কৰি ৰখাৰ অভিযোগ উত্থাপন কৰিছে মহিলা গৰাকীৰ পুত্ৰই।

আটকাধীন মহিলাগৰাকীক  আদালতত হাজিৰ কৰিবলৈ দাবী জনাইছে তেওঁৰ পুত্ৰই। ইউনুছৰ হৈ হাজিৰ হোৱা জ্যেষ্ঠ অধিবক্তা কপিল ছিবালৰ আহ্বানৰ পিছত আদালতে তেওঁৰ আবেদন – হাবিয়াছ কৰ্পাছ আবেদন – শুনানি গ্ৰহণ কৰিবলৈ সন্মত হয় আৰু  মহিলা গৰাকীক অনুচিতভাৱে আটক কৰা হৈছে উল্লেখ কৰে।

ইউনুছে অভিযোগ কৰিছে যে অসম আৰক্ষীয়ে তেওঁৰ মাতৃৰ লগতে আৰু বহুলোকক প্ৰত্যাৰ্পণৰ বাবে নিশাটোৰ ভিতৰতে আটক কৰি ৰাখিছিল।

উল্লেখ্য যে আদালতে ‘বিদেশী’ শিবিৰ’ত আবদ্ধ হৈ থকাসকলক যদি তিনি বছৰতকৈ অধিক সময় তাত বাস কৰিছিল তেন্তে তেওঁলোকক মুকলি কৰি দিয়াৰ নিৰ্দেশ দিয়াৰ পিছতে ২০১৯ চনত উচ্চতম ন্যায়ালয়ে জামিন প্ৰদান কৰিছিল বেৱাক। ।

কিছুমান চৰ্ত সাপেক্ষে জামিনৰ অনুমতি দিয়া হৈছিল বুলি উল্লেখ কৰিছে আদালতে। ইউনুছে কয় যে তেওঁৰ মাকে সকলো চৰ্ত মানি চলিছিল যদিও ২৪ মে’ত তেওঁৰ সাক্ষ্য গ্ৰহণৰ কৰাৰ অজুহাতত তেওঁক থানালৈ মাতি অনা হৈছিল।

তেতিয়াৰ পৰাই মহিলা গৰাকীক  জিম্মাত ৰখা বুলি দাবী কৰিছে পুত্ৰই। তেওঁ কয় যে তেওঁৰ মাতৃৰ গোচৰ এতিয়াও উচ্চতম ন্যায়ালয়ত বিচাৰাধীন হৈ আছে আৰু মাতৃ জামিনত বাহিৰত আছে বুলি আৰক্ষীক জনাবলৈ চেষ্টা কৰিছিল যদিও তেওঁলোকে তেওঁক মুকলি কৰি দিবলৈ অস্বীকাৰ কৰা বুলি অভিযোগ উত্থাপন কৰিছে।