বিহাৰৰ নিৰ্বাচনত Exit Poll-এ কিয় ভুল ফলাফল দিছিল?
বিহাৰৰ নিৰ্বাচনত এগজিট প’লৰ ভৱিষ্যতবাণীত কি ভুল হৈছিল? আৰু ৰাজনৈতিক বিশ্লেষকসকলে কিয় এগজিট প’লৰ তথ্য সম্পূৰ্ণ শুদ্ধৰূপত বিশ্লেষণ কৰিব নোৱাৰিলে?
এগজিট প’ল প্ৰকাশৰ পিছত বিহাৰৰ ভোটাৰ আৰু ভাৰতৰ ৰাজনৈতিকভাৱে সচেতন লোকসকল নিশ্চিত আছিল যে বিহাৰ এক ৰাজনৈতিক পৰিৱৰ্তনৰ ফালে আগবাঢ়ি আছে।
প্ৰায় সকলোবোৰ এজেঞ্চিয়ে ভৱিষ্যতবাণী কৰিছিল যে তেজস্বী যাদৱ নেতৃত্বাধীন মহাজোঁট বন্ধনে বিহাৰৰ নিৰ্বাচন জয়ী হ’ব।
কিন্তু প্ৰকৃততে মহাজোঁট বন্ধনে অতি কম ব্যৱধানত নীতিশ কুমাৰ নেতৃত্বাধীন এন ডি এৰ হাতত পৰাস্ত হ’ল।
অৱশ্যে আৰ জে ডিয়ে ২৩.১১ শতাংশ ভোট লাভ কৰি সৰ্ববৃহৎ ৰাজনৈতিক দল হিচাপে পৰিগণিত হয়।
আৰ জে ডিয়ে ৭৫ খন আসন লাভ কৰিলেও কিন্তু বিহাৰত পুনৰবাৰ চৰকাৰ গঠন কৰাৰ দিশে আগবাঢ়িছে নীতিশ নেতৃত্বাধীন এন ডি এ।
ইফালে ৰাজনৈতিক বিশ্লেষক সকলে এতিয়া মুখলজ্জাৰ বাবে দাবী কৰি আছে যে অতি কম ব্যৱধানত বিহাৰ নিৰ্বাচনৰ ফলাফল ওলাইছে।
হয়, এইটো কথা ঠিক যে ৰাজ্যখনৰ কেইবাটাও সমষ্টিত এন ডি এ সমৰ্থিত প্ৰাৰ্থীয়ে অতি কম ব্যৱধানত জয়ী হৈছে।
প্ৰকৃততে এগজিট প’লত প্ৰতিনিধিত্ব নকৰা বহু সংখ্যক নীৰৱ সংখ্যাগৰিষ্ঠৰ বৃহৎ সংখ্যকে এন ডি এৰ পক্ষত ভেটদান কৰিছিল।
সেয়ে এগজিট প’লৰ সমীক্ষা ভুল হোৱা পৰিলক্ষিত হয়।