লাওখোৱাৰ ৩নং ভূৰবন্ধাত বনৰীয়া মহ নিধন কৰি ভক্ষণ দুষ্ট চক্ৰৰ

নগাঁৱৰ লাওখোৱাৰ ৩নং ভূৰবন্ধাত বনৰীয়া মহ নিধন কৰি ভক্ষণ কৰি আহিছে একাংশ দুষ্ট চক্ৰই।

বুঢ়াচাপৰি বন্যপ্ৰাণী অভয়াৰণ্যৰ পৰা ব্ৰক্ষ্মপুত্ৰৰ দাঁতি-কাষৰীয়া অঞ্চলত খাদ্যৰ সন্ধানত প্ৰায়েই ওলাই আহে বনৰীয়া জীৱ-জন্তু।

তাৰ মাজতেই ৩নংভূৰবন্ধাত এটা দুষ্ট চক্ৰই পুৰ্বৰে পৰাই বনৰীয়া মহ নিধন কৰি ভক্ষণ কৰি অহাৰ অভিযোগ বন বিভাগৰ। দীৰ্ঘদিন ধৰি দুষ্ট চক্ৰটোৱে ইটোৰ পাছত সিটোকৈ বনৰীয়া মহ নিধন কৰি আহিছে।বিগত জানুৱাৰী মাহৰ ৮ তাৰিখে এই দুষ্ট চক্ৰটোৱে দুটাকৈ বনৰীয়া মহ নিধন কৰা কাৰ্যৰ খবৰ পাইছিল বুঢ়াচাপৰি বন্যপ্ৰাণী অভয়াৰণ্যৰ বনকৰ্মী সকলে।

এনে খবৰৰ উমান পাই অভিযান চলায় বন বিভাগে। বন বিভাগৰ অভিযানত উদ্ধাৰ হয় বনৰীয়া মহৰ অংগ প্ৰত্যংগ।

প্ৰাথমিক তদন্তত কোনো দুষ্ট চক্ৰক চিনাক্ত কৰিব পৰা নাই যদিও তদন্ত তীব্ৰ গতিত চলি আছে বুলি জানিবলৈ দিয়ে বন বিভাগে।

এতিয়া প্ৰশ্ন হয় কোন এই দুষ্ট চক্ৰ? কিমান দিন লৈকে চলি থাকিব এনে কাৰ্য্য? সফল হব পাৰিব নে বন বিভাগ সমগ্ৰ ৰহস্যৰ ওৰ পৰিব বন বিভাগৰ তদন্তৰ পাছত।