নতুন সংসদ ভৱনত হ’ব চলিত বৰ্ষৰ শীতকালীন অধিৱেশন; জনালে কেন্দ্ৰীয় মন্ত্ৰীয়ে
চেন্ট্ৰেল ভিষ্টা প্ৰকল্পৰ প্ৰথম পৰ্যায় ইতিমধ্যে সম্পূৰ্ণ হোৱাৰ লগে লগে সকলোৰে দৃষ্টি নিৱদ্ধ এতিয়া দেশৰ নতুন সংসদ চৌহদৰ ওপৰত।
এনে সময়তে কেন্দ্ৰীয় নগৰ উন্নয়ন মন্ত্ৰী হৰদীপ সিং পুৰীয়ে এক গুৰুত্বপূৰ্ণ মন্তব্য কৰিছে। পুৰীৰ মতে এই বছৰৰ অক্টোবৰৰ ভিতৰত নতুন সংসদ ভৱন সম্পূৰ্ণ হ’ব।
সংবাদ সংস্থা ইণ্ডিয়া টুডেৰ সৈতে বাৰ্তালাপ কৰি হৰদীপ সিং পুৰীয়ে কয় যে কেইবাটাও প্ৰত্যাহ্বানৰ স্বত্বেও প্ৰকল্পটোৰ প্ৰথম পৰ্যায় ১১ মাহৰ ভিতৰত সময়মতে সম্পূৰ্ণ কৰা হৈছিল।
তেওঁ কয়, “লকডাউনৰ দৰে অতি কঠিন পৰিস্থিতিতো আমি ইয়াৰ কাম কৰিছিলো। কেইবা হাজাৰ লোকে ইয়াত একেৰাহে কাম কৰিছিল আৰু আনকি অন্তিম পৰ্যায়তো প্ৰায় ৪০০০ লোকে ক’ভিদৰ ভাবুকি স্বত্বেও নিৰন্তৰ ভাৱে কাম কৰিছিল।”
“তদুপৰি, আমি সমগ্ৰ চৰকাৰৰ লগতে মন্ত্ৰালয়, বিভাগ বা ঠিকাদাৰ পৰা যি ধৰণৰ সহযোগিতা লাভ কৰিছিলো সেয়া হওঁক যথেষ্ট প্ৰশংসিত।”- পুৰীয়ে কয়।
কেন্দ্ৰীয় মন্ত্ৰী হৰদীপ সিং পুৰীয়ে লগতে কয়, “সংসদ ভৱনটো অক্টোবৰৰ ভিতৰত সম্পূৰ্ণ হ’ব আৰু সমগ্ৰ প্ৰকল্পটোৰ কাম সময়সূচী অনুসৰি চলি আছে। নতুন ভৱনটোত সংসদৰ শীতকালীন অধিৱেশন অনুষ্ঠিত হ’ব।”