গুৱাহাটীত ৰহস্যজনকভাৱে উদ্ধাৰ মণিপুৰৰ এগৰাকী যুৱতীৰ মৃতদেহ
প্রতিনিধিত্বমূলক ফটো।
গুৱাহাটীৰ ৰূপনগৰ অঞ্চলত ৰহস্যজনক পৰিস্থিতিত মণিপুৰৰ এগৰাকী যুৱতীৰ মৃতদেহ উদ্ধাৰ হোৱা বুলি জানিব পৰা গৈছে।
যুৱতীগৰাকীয়ে বাস কৰা ভাড়াঘৰত ওলমি থকা অৱস্থাত উদ্ধাৰ কৰা হয় মৃতদেহটো।
যুৱতীগৰাকীক মণিপুৰৰ ৰেবিকা থাওদাম বুলি চিনাক্ত কৰা হৈছে।
লগতে পঢ়ক: এসপ্তাহ নৌহওতেই ভাঙি পৰিল মোদীয়ে উদ্বোধন কৰা ‘বীৰ সাৱৰকাৰ আন্তৰ্জাতিক বিমানবন্দৰ’ৰ ছাদ
ইপিনে, মৃত অৱস্থাত উদ্ধাৰ হোৱাৰ পিছতে ৰেবিকা থাওদামৰ সৈতে সম্পৰ্ক থকা বুলি সন্দেহ কৰা ৰোহিত শইকীয়াৰ বিৰুদ্ধে মৃত মহিলাগৰাকীৰ পৰিয়ালে এজাহাৰ দাখিল কৰে।
আৰক্ষীৰ প্ৰাৰম্ভিক তদন্তৰ সময়ত পোহৰলৈ আহে যে দুয়োৰে মাজত প্ৰায় ডেৰ বছৰ ধৰি সম্পৰ্ক আছিল।
লগতে পঢ়ক: হিংসাত্মক পৰিস্থিতিৰ মাজতে মণিপুৰৰ মুখ্যমন্ত্ৰীৰ পদত্যাগৰ দাবী অসম নাগৰিক সমাজৰ
প্ৰাথমিক তদন্তৰ অন্তত ভঙাগড় আৰক্ষীয়ে অভিযুক্ত ৰোহিত শইকীয়াক আটক কৰি বৰ্তমান ঘটনা সন্দৰ্ভত অধিক তদন্ত অব্যাহত ৰাখিছে।