Mysterious suicide case: বোৱাৰীৰ ৰহস্যজনক আত্মহত্যাক কেন্দ্ৰ কৰি তীব্ৰ উত্তেজনা; দোষীক ফাঁচিৰ দাবী তুলি ঘেৰাও থানা
ফটো: নৰ্থইষ্ট নাও।
Mysterious suicide case শুৱালকুছি আৰক্ষী থানাৰ অন্তৰ্গত বামুন্দীৰ বিষ্ণুপুৰৰ দুই সন্তানৰ মাতৃ অৰ্চনা কলিতাক হত্যাৰ অভিযোগ তুলি মৃত অৰ্চনাৰ স্বামী আৰু স্বামীৰ পৰিয়ালক গ্ৰেপ্তাৰ কৰি ফাঁচি দিয়াৰ দাবী জনাই শনিবাৰে শতাধিক মহিলাই শুৱালকুছি আৰক্ষী থানাত সম্মুখতে তীব্ৰ প্ৰতিবাদ জনায়।
বামুন্দীৰ পৰা অহা এই মহিলা সকলে হাতে হাতে বিভিন্ন প্লে-কাৰ্ড লৈ শুৱালকুছি আৰক্ষী থানাৰ সন্মুখত প্ৰতিবাদ সাব্যস্ত কৰাৰ লগতে বামুন্দীৰ ৰাজপথত এটা প্ৰতিবাদী শোভযাত্ৰাও উলিয়ায়।
প্ৰতিবাদকাৰী মহিলাসকলে ৰাজপথত হত্যাকাৰী স্বামী আৰু হত্যাৰ লগত জড়িত পৰিয়ালৰ লোকসকলক ফাঁচি দিয়ক, পৰিয়ালক গ্ৰেপ্তাৰ কৰক আদি শ্লোগানৰে পৰিবেশ উত্তাল কৰি তোলে।
ঘটনাৰ উচিত তদন্ত কৰাৰ লগতে অৰ্চনা কলিতাক পৰিকল্পিতভাবে হত্যা কৰা স্বামী লোহিত কলিতা আৰু স্বামীৰ পৰিয়ালৰ বিৰুদ্ধে শীঘ্ৰে উচিত তদন্ত কৰি বিহীত ব্যৱস্থা ল’বলৈ তেওঁলোকে আৰক্ষী প্ৰশাসনক আহ্বান জনায়।
আনহতে, ঘটনা সন্দৰ্ভত ইতিমধ্যে স্বামী লোহিত কলিতাক আৰক্ষীয়ে আটক কৰিছে।