Repression of Uyghurs সংখ্যালঘু উইঘুৰৰ ওপৰত নিৰ্যাতন; চীনৰ বিৰুদ্ধে ৪৩খন দেশে ল’লে পদক্ষেপ
Repression of Uyghurs চীনত সংখ্যালঘু উইঘুৰ মুছলমানৰ ওপৰত নিৰ্যাতনৰ ঘটনাই আন্তৰ্জাতিক মহলক জোকাৰি গৈছে। চীনৰ বিৰুদ্ধে এইবাৰ বিশ্বৰ ৪৩ খন দেশে একেলগে পদক্ষেপ গ্ৰহণ কৰিছে।
ৰাষ্ট্ৰসংঘত বৃহস্পতিবাৰে চীনৰ বিৰুদ্ধে আমেৰিকা, ইউৰোপীয় ইউনিয়নকে ধৰি ৪৩খন দেশে সৰৱ হৈ পৰে। তেওঁলোকে একেলগে চীনৰ শ্বিনজিয়াং প্ৰদেশত উইঘুৰ মুছলমান সম্প্ৰদায়ৰ ওপৰত নিৰ্যাতনৰ বিৰুদ্ধে মাত মাতে।
এই দেশসমূহে সংখ্যালঘুসকলৰ অধিকাৰ তথা নিৰপত্তা নিশ্চিত কৰিবলৈ বেইজিঙক দাবী জনায়।
Also Read: T-20 World Cup প্ৰথম ৰাউণ্ডৰ সামৰণি; চাই লওক ছুপাৰ টুৱেলভত কোনে কোন গ্ৰুপত খেলিব
ইপিনে, আমেৰিকাৰ নেতৃত্বত গ্ৰহণ কৰা এই পদক্ষেপৰ তীব্ৰ বিৰোধিতা কৰিছে চীনে। ৰাষ্ট্ৰসংঘত থকা চীনৰ ৰাষ্ট্ৰদূত ঝং ঝুনে এই সকলোবোৰ মিছা অভিযোগ বুলি উল্লেখ কৰি চীনক ক্ষতিগ্ৰস্ত কৰাৰ এয়া এক ষড়যনত্ৰ বুলি অভিহিত কৰে।
উল্লেখ্য যে ২০০৯চনত শ্বিনজিয়াং প্ৰদেশত সাম্প্ৰদায়িক হিংসা সংঘটিত হোৱাৰ পাছৰে পৰা উইঘুৰ মুছলমানসকলৰ ওপৰত কঠোৰ হৈ পৰিছে চীন প্ৰশাসন।
Also Read:মাৰ্ঘেৰিটা সমষ্টিৰ বিচাগাওঁ মধুপুৰ সংযোগী পথৰ জৰাজীৰ্ণ অৱস্থাৰ বিৰুদ্ধে উত্তাল প্ৰতিবাদ আছা’ৰ
শেহতীয়াকৈ প্ৰকাশ পোৱা এক বাতৰি মতে বন্দী শিৱিৰত থকা মুছলমান মহিলাসকলৰ ওপৰত পৰিকল্পিতভাৱে ধৰ্ষণ তথা যৌন নিৰ্যাতন চলোৱা হৈছে।
বিভিন্ন সময়ত আন্তৰ্জাতিক মহলত সমালোচনাৰ জোৱাৰ উঠিলেও চীনৰ ৰাষ্ট্ৰপতি জিনপিঙে কোনো কেৰেপ কৰা নাই। সেইদৰে মানৱাধিকাৰ সংগঠনসমূহে চীনৰ বিৰুদ্ধে সৰৱ হ’লেও কোনো প্ৰভাৱ পেলাবলৈ সক্ষম হোৱা নাই।