ক’ৰ’ণা ভাইৰাছ সৃষ্টি কৰা চীনৰ বিজ্ঞানীয়ে যোগাযোগ ৰাখিছে মাৰ্কিন চোৰাংচোৱাৰে!

ক’ৰ’ণা ভাইৰাছৰ সৃষ্টি এক দুৰ্ঘটনা আছিল নেকি?এই প্ৰশ্নই এতিয়া বিশ্বৰ বহু জনৰ মনত খুদুৱনিৰ সৃষ্টি কৰি আহিছে।

চীনৰ ওহান প্ৰদেশৰ পৰীক্ষাগাৰত ক’ৰ’ণা ভাইৰাছ সৃষ্টি কৰা হৈছিল বুলি আমেৰিকাৰ ৰাষ্ট্ৰপতি ডোনাল্ড ট্ৰাম্পে মুকলি কৈয়ে অভিযোগ কৰি আহিছে।

এনে সময়তে ২০১৬ চনত হোৱাইট হাউছৰ নীতি নিৰ্দ্ধাৰকৰ দায়িত্বত থকা ষ্টিভ বেননে ক’ৰ’ণা ভাইৰাছৰ সৃষ্টি সন্দৰ্ভত ঘটাইছে এক মহা বিষ্ফোৰণ।

বেননে প্ৰকাশ কৰা মতে ক’ৰ’ণা ভাইৰাছ দুৰ্ঘটনা বশতঃ পৰীক্ষাগাৰৰ পৰা বাহিৰ ওলাইছিল আৰু এই দুৰ্ঘটনাৰ সৈতে জৰিত একাংশ চীনৰ বিজ্ঞানীয়ে পশ্চিমীয়া দেশ বিশেষকৈ আমেৰিকাৰ চোৰাংচোৱা আৰু তদন্তকাৰী সংস্থাৰ সৈতে যোগাযোগ ৰক্ষা কৰি আহিছে।

বেননে কয় যে ২০১৫ চনত চীনৰ ওহানত স্থাপন কৰা হৈছিল পেথ’জেন লেবৰেট’ৰী।

২০১৮ৰ জানুৱাৰী মাহৰ পৰা তাত বাদুলীৰ দেহৰ পৰা বিয়পি পৰা ক’ৰ’ণা ভাইৰাছৰ বিষয়ে গৱেষণা চলিছিল।

সিমান খিনি লৈকে সকলো থিকেই আছিল।

কিন্তু এদিন হঠাতে সেই ভাইৰাছ দুৰ্ঘটনাবশতঃ পৰীক্ষাগাৰৰ বাহিৰ ওলাল আৰু সমগ্ৰ বিশ্বতে বিয়পি পৰিল। দুৰ্ঘটনাৰ সৈতে জৰিত সকলে এফ বি আইৰ সৈতে সম্পৰ্ক ৰাখি অহা বুলি বেননে স্পষ্ট ভাবে কৈছে।