উৰুকাৰ নিশাই মহানগৰীত চাঞ্চল্যকৰ ঘটনাঃ যুৱকক আক্ৰমণ পাঁচজনীয়া দলৰ
দেওবাৰে উৰুকাৰ নিশাই গুৱাহাটী মহানগৰীৰ বশিষ্ট অঞ্চলত সংঘটিত হয় এক চাঞ্চল্যকৰ ঘটনা।
পাঁচজনীয়া এটা দলৰ আক্ৰমণৰ লগতে ডকাইতিৰ অভিযোগ তুলিছে এগৰাকী ২০ বছৰীয়া যুৱকে।
পংকজ চক্ৰৱৰ্তী নামৰ এগৰাকী যুৱকে উত্থাপন কৰিছে এই অভিযোগ।
যুৱকজনৰ অভিযোগ মতে যে বশিষ্ট অঞ্চলত পাঁচজনীয়া ব্যক্তিৰ এটা দলে তেওঁক আগুচি ধৰি তেওঁক আক্ৰমণ চলায়।
অভিযুক্ত লোকসকলে কোনো তীক্ষ্ণ অস্ত্ৰ ব্যৱহাৰ কৰি যুৱকজনক আঘাত কৰে যুৱকজনে অভিযোগ কৰিছ।
এই আক্ৰমণত তেওঁ কপাল, পেট আৰু মুখত গুৰুতৰ আঘাত পায় বুলি দাবী কৰিছে।
যুৱকজনে লগতে আক্ৰমণকাৰী দলটোৱে তেওঁৰ মোবাইল ফোন আৰু অন্যান্য সামগ্ৰীও কাঢ়ি নিয়া বুলি অভিযোগ তুলিছে।
ঘটনাৰ পিছতে যুৱকজনে বশিষ্ট আৰক্ষী থানাত অভিযোগ দাখিল কৰে।
এই অভিযোগৰ ভিত্তিত আৰক্ষীয়ে তদন্ত আৰম্ভ কৰিছে আৰু অভিযুক্তৰ সন্ধান অব্যাহত ৰাখিছে।
অৱশ্যে এতিয়ালৈকে কোনো অভিযুক্তক গ্ৰেপ্তাৰ কৰা হোৱা নাই বুলি আৰক্ষীয়ে জানিবলৈ দিছে।
ইফালে পংকজ চক্ৰৱৰ্তীয়ে অৰবিন্দ সিং আৰু কৰণ মাহাতো নামৰ দুজন ব্যক্তি এই আক্ৰমণত জড়িত বুলি দাবী কৰিছে।