নিশা জিএমচিএইচলৈ গৈ প্ৰাক্তন মুখ্যমন্ত্ৰী তৰুণ গগৈৰ স্বাস্থ্যৰ খৱৰ ল’লে জুবিন গাৰ্গে
জনপ্ৰিয় কণ্ঠশিল্পী তথা অসমৰ যুৱ প্ৰজন্মৰ হাৰ্ট থ্ৰ’ব জুবিন গাৰ্গে নিশা জিএমচিএইচলৈ গৈ প্ৰাক্তন মুখ্যমন্ত্ৰী তৰুণ গগৈৰ স্বাস্থ্যৰ খৱৰ লয়।
জুবিনে কয় যে প্ৰাক্তন মুখ্যমন্ত্ৰীগৰাকীৰ স্বাস্থ্যৰ অৱস্থা অত্যন্ত সংকটজনক আৰু কেবল এক চমৎকাৰেহে (মিৰাকল) তেওঁৰ জীৱন ৰক্ষা কৰিব পাৰে।
দেওবাৰে নিশা ১-৩০বজাত হাস্পাতলখনত উপস্থিত হৈ জুবিনে সংবাদমাধ্যমৰ আগত কয় যে যদি কোনো সাংঘাতিক অলৌকিক শক্তিয়ে তেওঁক সহায় কৰিব নোৱাৰে তেন্তে অসমৰ বাবে ই এক বৃহৎ ক্ষতি হ’ব।
প্ৰাক্তন মুখ্যমন্ত্ৰীগৰাকীৰ সৈতে নিজৰ পুৰণি স্মৃতি সুঁৱৰি জুবিনে তৰণ গগৈক সদায় ‘চাৰ’ সম্বোধন কৰিছিল বুলি কয়।
জুবিনে লগতে কয় যে এগৰাকী ৰাজনীতিক হৈও তৰুণ গগৈয়ে কেতিয়াও তেওঁৰ সৈতে ৰাজনীতিৰ কথা আলোচনা কৰা নাছিল। ইয়াৰ বিপৰীতে সদায় তেওঁলোকে কলা, সংস্কৃতি তথা সাহিত্যৰ কথা পাতিছিল বুলি কয়।
গৃহ চহৰ যোৰহাটলৈ যোৱাৰ পূৰ্বে প্ৰাক্তন মুখ্যমন্ত্ৰীগৰাকীৰ সংকটজনক অৱস্থাৰ কথা জানিব পাৰি জিএমচিএইচলৈ খৱৰ ল’বলৈ আহিছিল শিল্পীগৰাকী।