অৰুণাচল প্ৰদেশৰ পাকী-কাচাং (এছ টি) আৰু লিকাবালি (এছ টি) বিধান সভা আসনৰ বাবে হ’ব লগীয়া উপ-নিৰ্বাচন অহা ডিচেম্বৰৰ ২১ তাৰিখে অনুষ্ঠিত হ’ব বুলি জানিব পৰা গৈছে। ভাৰতৰ নিৰ্বাচন আয়োগে শুকুৰবাৰে অৰুণাচল প্ৰদেশৰ উক্ত সমষ্টি দুটাৰ লগতে তামিলনাডু, উত্তৰ প্ৰদেশ আৰু পশ্চিম বংগৰো উপ-নিৰ্বাচনৰ তাৰিখ ঘোষণা কৰে। নিৰ্বাচন আয়োগে জানিবলৈ দিয়া মতে উপ-নিৰ্বাচন সম্পন্ন হ’ব লগীয়া সমষ্টিকেইটাৰ জিলাকেইখনত তাৎক্ষণিকভাৱে প্ৰযোজ্য হোৱাকৈ আৰ্হি আচৰণ বিধি কাৰ্য্যকৰী হ’ব। ২১ ডিচেম্বৰত অনুষ্ঠিত নিৰ্বাচনৰ ফলাফল ২৪ ডিচেম্বৰত ঘোষণা কৰা হ’ব। ইয়াৰ বাবে মনোনয়ন পত্ৰ দাখিলৰ অন্তিম তাৰিখ ধাৰ্য্য কৰা হৈছে ৪ ডিচেম্বৰ। নিৰ্বাচন আয়োগে উক্ত উপ-নিৰ্বাচনত ই ভি এম আৰু ভি ভি পি এ টি ব্যৱহাৰ হ’ব বুলি জনাইছে। তাৰ বাবে পৰ্য্যাপ্ত সংখ্যক ই ভি এম আৰু ভি ভি পি এ টিৰ ব্যৱস্থা কৰা হৈছে আৰু নিৰ্বাচন যাতে সুকলমে সম্পন্ন হৈ যায় তাৰ বাবে সকলো ব্যৱস্থা কৰা হৈছে বুলি জানিবলৈ দিয়ে। লগতে নিৰ্বাচন আয়োগে জানিবলৈ দিয়া মতে ভোটদানৰ সময়ত ভোটাৰৰ ফটো পৰিচয় পত্ৰ থকাটো পূৰ্বৰ দৰেই বাধ্যতামূলক থাকিব। ভোটাৰৰ পৰিচয়ৰ ক্ষেত্ৰত ফটোযুক্ত ভোটাৰ পৰিচয় পত্ৰ প্ৰধান ডকুমেণ্ট হ’ব বুলি কয়। অৱশ্যে ঘোষণাটোত লগতে কোৱা হয় যে ভোটাৰ তালিকাত নাম থকা কোনো যাতে ভোটদানৰ পৰা বঞ্চিত নহয় তালৈ লক্ষ ৰখা হ’ব আৰু ভোটাৰৰ পৰিচয় নিশ্চিতকৰণৰ বাবে ওপৰঞ্চি কি কি ডকুমেণ্ট গ্ৰহণযোগ্য বিবেচনা কৰা হ’ব সেই বিষয়ে নিৰ্দেশনা জাৰি কৰা হ’ব।
অৰুণাচল প্ৰদেশৰ দুটা সমষ্টিৰ উপ-নিৰ্বাচনৰ দিন ঘোষণা
-
By NE NOW NEWS
প্ৰতিনিধিত্বমূলক ছবি
- Categories: অৰুণাচল
Related Content
অৰুণাচল প্ৰদেশত খাৱৈত ট্ৰাক পৰাৰ ফলত নিহত তিনি সেনা জোৱান
By
এন ই নাও নিউজ ব্যুৰো, ইটানগৰ :
August 28, 2024 9:10 am
অৰুণাচলত উদ্ধাৰ অসমত অপহৃত হোৱা ১২ বছৰীয়া শিশুৰ মৃতদেহ
By
এন ই নাও নিউজ ব্যুৰো, ইটানগৰ :
August 1, 2024 11:02 am
হঠাৎ ডাৱৰ বিস্ফোৰণৰ ফলত অৰুণাচলৰ ইটানগৰত ব্যাপক ভূমিস্খলন আৰু বানপানী
By
এন ই নাও নিউজ ব্যুৰো, ইটানগৰ :
June 23, 2024 4:18 pm
একেৰাহে তৃতীয়বাৰৰ বাবে অৰুণাচল প্ৰদেশৰ মুখ্যমন্ত্ৰী হিচাপে শপত গ্ৰহণ কৰিলে পেমা খাণ্ডুৱে
By
এন ই নাও নিউজ ব্যুৰো, ইটানগৰ :
June 13, 2024 12:45 pm
অৰুণাচলৰ প্ৰথমগৰাকী আৰক্ষী সঞ্চালকপ্ৰধান হিচাপে চিহ্নিত IPS ৰবীন হিবু
By
এন ই নাও নিউজ ব্যুৰো, ইটানগৰ :
June 9, 2024 1:52 pm
ঘোষণা হ’ল অৰুণাচল আৰু চিকিমৰ বিধান সভা নিৰ্বাচনৰ ফলাফল : শাসকীয় দলেই লাভ কৰিলে দুই ৰাজ্যৰ মচনদ
By
এন ই নাও নিউজ ব্যুৰো, ইটানগৰ :
June 2, 2024 4:45 pm