নতুন বছৰৰ আৰম্ভণিতে হ’ব লগীয়া মেঘালয় বিধান সভা নিৰ্বাচনৰ বাবে মেঘালয়ৰ নেচনেল পিপল’ছ পাৰ্টীয়ে চতুৰ্থখন প্ৰাৰ্থীৰ তালিকা দেওবাৰে প্ৰকাশ কৰিছে। এই তালিকাখনত ১০ গৰাকী প্ৰাৰ্থীৰ নাম ঘোষণা কৰা হৈছে। ১০ গৰাকী প্ৰাৰ্থী ক্ৰমে ৩৭ নং খাৰকুটা বিধান সভা সমষ্টিৰ পৰা ৰুপাৰ্ট মমিন, ৰংজেঙৰ পৰা জিম চাংমা, টিকৰিকিলাৰ পৰা অগষ্টিন ডি মাৰ্ক, ফুলবাৰীৰ পৰা এছমা তুৰ মমিম, ৰংচাখোনাৰ পৰা চুবিৰ মৰক, মহেন্দ্ৰগঞ্জৰ পৰা চঞ্জয় চাংমা, গেমবাৰ্জৰ পৰা ফিলিপ’ল মাৰাক, ডালুৰ পৰা বি এ চাংমা, চোকপটৰ পৰা চেকোনছন চাংমা আৰু বাঘমাৰাৰ পৰা চেঙনাল চাংমাই প্ৰতিদ্বণ্ডিতা আগবঢ়াব। এই তালিকাখন প্ৰকাশ কৰে এন পি পিৰ ৰাজ্যিক সভাপতি ড০ ডব্লিউ আৰ খাৰলুখীয়ে। মেঘালয় বিধান সভাৰ ৬০টা সমষ্টিৰ ভিতৰত এন পি পিয়ে এতিয়ালৈ ৩৯ গৰাকী প্ৰাৰ্থীৰ তালিকা প্ৰকাশ কৰিলে।
‘আমি মেঘালয় বিধান সভা নিৰ্বাচনত সংখ্যা গৰিষ্ঠতা পাম। খাচিয়া আৰু জয়ন্তীয়া অঞ্চল সমূহৰ পৰা তথা গাৰো পাহাৰৰ পৰাও যথেষ্ট সংখ্যক ভোটেৰে আসন লাভ কৰিম’ এই মন্তব্য আগবঢ়াই তুৰা লোকসভাৰ সাংসদ কে চাংমাই।
