পবিত্ৰ বৰদিনৰ দিন চমু চাপি অহাৰ লগে লগে সমগ্ৰ বিশ্বৰ খ্ৰীষ্টিয়ান সমাজৰ লগতে অসমৰ খ্ৰীষ্টিয়ান লোকসকলৰ মাজতো আনন্দ আৰু উৎসাহ দেখিবলৈ পোৱা গৈছে। মন কৰিবলগীয়া যে গোটেই পৃথিৱীজুৰি খ্ৰীষ্টিয়ান লোকসকলে ডিচেম্বৰ মাহৰ প্ৰথম ভাগৰ পৰা প্ৰাক বৰদিন উদযাপনৰ এক পৰম্পৰা চলাই আহিছে, এই উপলক্ষ্যে শুক্ৰবাৰে ওদালগুৰি জিলাৰ টংলাৰ বৰদলৈ ভৱনত প্ৰাক বৰদিন উদযাপনৰ এক অনুষ্ঠান অনুষ্ঠিত হয়। ‘প্ৰেম আৰু ইশ্বৰ’ বাণীৰে ‘কলেজ ষ্টুডেণ্টছ ইভানজেলিকেল য়ুনিয়ন’এ আয়োজিত কৰা উক্ত অনুষ্ঠানটোত যিশু বন্দনাৰ মাজেৰে যথেষ্ট আনন্দ আৰু উৎসাহেৰে উদযাপন কৰা হয়। অসমীয়া বড়ো আৰু ইংৰাজীত আবৃত্তি কৰা গছপেল আৰু যিশু বন্দনাৰে আৰম্ভ হোৱা অনুষ্ঠানটোৱে সভাগৃহত এক আধ্যাত্মিক পৰিৱেশৰ সৃষ্টি কৰা দেখা যায়। ইয়াৰ পিছতে ৰাধৱ বসুমতাৰীয়ে আৰম্ভণী প্ৰাৰ্থনা পৰিৱেশন কৰে। খগেন বসুমতাৰীয়ে সভাপতিত্ব কৰা অনুষ্ঠানটোত বড়ো জাতীয় খ্ৰীষ্টান কাউন্সিলৰ সভাপতি বেনজ্লাইগ্ৰা মোছাহাৰীয়ে ধৰ্ম প্ৰচাৰক হিচাপে অংশ গ্ৰহণ কৰি তেওঁ যিশুখ্ৰীষ্টৰ জীৱন আৰু তেওঁ বিলাই যোৱা শিক্ষাৰ ওপৰত আলোকপাত কৰাৰ লগতে সকলোকে যিশুখ্ৰীষ্টৰ বাণী অনুকৰণ কৰিবলৈ আহ্বান জনায়। সঞ্জয় নাৰ্জাৰীয়ে আঁত ধৰা অনুষ্ঠানটোত মাধুৰিমা চাংমাৰ সাংস্কৃতিক দলে বড়ো লোক নৃত্য প্ৰদৰ্শন কৰে। অনুষ্ঠানটোত খ্ৰীষ্ট ধৰ্মৰ লোকৰ উপৰি অঞ্চলটোৰ আন আন ধৰ্মীৰ লোকো উপস্থিত থাকে।
টংলাত প্ৰাক-বৰদিন উদযাপন
-
By NE NOW NEWS
![](https://assam.nenow.in/wp-content/uploads/2017/12/20171216_113331-1024x576.jpg)
- Categories: অসম
Related Content
ADRE : পৰীক্ষাৰ ভুৱা প্ৰশ্নকাকত ফাদিল কৰি আৰক্ষীৰ আলহী হ’ল ধুবুৰীৰ যুৱক
By
ছাজিদ খান
September 7, 2024 9:07 pm
কিয় চেবিৰ অধ্যক্ষই পদত্যাগ কৰা উচিত?
By
ছাজিদ খান
September 7, 2024 7:14 pm
স্মাৰ্ট মিটাৰৰ বিৰুদ্ধে 'আপ'ৰ বিক্ষোভ : শক্তিমন্ত্ৰীৰ পুত্তলিকা দাহ আপ কৰ্মীৰ
By
ছাজিদ খান
September 7, 2024 6:58 pm
প্ৰদ্যুৎ বৰদলৈয়ে হিমন্ত বিশ্ব শৰ্মাক মনত পেলাই দিলে অতীতৰ কথা
By
ছাজিদ খান
September 7, 2024 6:53 pm
আম আদমী পাৰ্টিৰ উদ্যোগত সুধাকণ্ঠৰ ৯৮ সংখ্যক জন্মজয়ন্তী
By
ছাজিদ খান
September 7, 2024 3:26 pm
পুনৰ উত্তপ্ত মণিপুৰ! উগ্ৰপন্থীৰ ঘাটি ধ্বংস কৰাত ব্যস্ত আৰক্ষী তথা কেন্দ্ৰীয় বাহিনী; দুইপক্ষৰ সংঘৰ্ষত ৫জনৰ মৃত্যু
By
ছাজিদ খান
September 7, 2024 1:21 pm