এন আৰ চিক লৈ গোটেই ৰাজ্যবাসী উৎকণ্ঠিত হৈ থকাৰ সময়তে তথা এন আৰ চিৰ প্ৰথমখন খচৰা প্ৰকাশ কৰিবলৈ মাজত মাত্ৰ ৪টা দিন থকা অৱস্থাত দৰং জিলাৰ ধুলা আৰক্ষীয়ে ৰাষ্ট্ৰীয় নাগৰিকপঞ্জী উন্নীতকৰণৰ বাবে দৰকাৰ হোৱা নথি-পত্ৰৰ ভুৱা প্ৰতিলিপিৰ বেহা কৰা এটা দুষ্টচক্ৰক উৎখাত কৰিছে। ঘটনাৰ বিৱৰণি মতে ধুলা আৰক্ষী থানাৰ ভাৰপ্ৰাপ্ত বিষয়ৈ ৰঞ্জিত হাজৰিকাৰ নেতৃত্বত যোৱা এটা দল দুষ্টচক্ৰটোৰ তিনিজনক গ্ৰেপ্তাৰ কৰিবলৈ সক্ষম হোৱাৰ লগতে আৰক্ষীৰ দলটোৱে তেওঁলোকৰ পৰা ভালেমান আপত্তিকৰ নথিপত্ৰ আৰু সামগ্ৰী জব্দ কৰে। এইবোৰৰ ভিতৰত ৫৮ খন জন্মৰ ভুৱা প্ৰমাণপত্ৰ, কম্পিউটাৰৰ হাৰ্ড ডিস্ক আৰু স্বাস্থ্য বিভাগৰ নকল ষ্টাম্পো আছে। এই দুষ্টচক্ৰটোৰ ভিতৰত গ্ৰেপ্তাৰ হোৱা তিনিজন হ’ল ক্ৰমে ধুলা আৰক্ষী থানাৰ খাৰিকাটিৰ ধনশিৰিকাষৰ মতলিব আলী, মঙলদৈ আৰক্ষী থানাৰ অধীনৰ ইব্ৰাহিম আলী আৰু আব্দুলা আহমেদ। আৰক্ষীৰ জেৰাৰ সময়ত অভিযুক্তকেইজনে স্বীকাৰ কৰিছে যে তেওঁলোকে শ শ ভুৱা জন্মৰ প্ৰমাণপত্ৰ দিছে আৰু সেইবোৰ কেৱল দৰং জিলাতেই নহয়, অন্যান্য জিলালৈ প্ৰেৰণ কৰিছে। আৰক্ষীয়ে তেওঁলোকৰ বিৰুদ্ধে ধুলা আৰক্ষী থানাৰ অধীনত ভাৰতীয় দণ্ডবিধিৰ 467/472/420 ধাৰাত 520/17 নম্বৰৰ এটা গোচৰ ৰুজু কৰিছে।
দৰঙত ভুৱা জন্মৰ প্ৰমাণপত্ৰৰ বেহা কৰা দুষ্টচক্ৰ উৎখাত
-
By NE NOW NEWS
![](https://assam.nenow.in/wp-content/uploads/2017/12/NRC-Logo-1024x1024.jpg)
- Categories: অসম
Related Content
ADRE : পৰীক্ষাৰ ভুৱা প্ৰশ্নকাকত ফাদিল কৰি আৰক্ষীৰ আলহী হ’ল ধুবুৰীৰ যুৱক
By
মযূখ গোস্বামী
September 7, 2024 9:07 pm
কিয় চেবিৰ অধ্যক্ষই পদত্যাগ কৰা উচিত?
By
মযূখ গোস্বামী
September 7, 2024 7:14 pm
স্মাৰ্ট মিটাৰৰ বিৰুদ্ধে 'আপ'ৰ বিক্ষোভ : শক্তিমন্ত্ৰীৰ পুত্তলিকা দাহ আপ কৰ্মীৰ
By
মযূখ গোস্বামী
September 7, 2024 6:58 pm
প্ৰদ্যুৎ বৰদলৈয়ে হিমন্ত বিশ্ব শৰ্মাক মনত পেলাই দিলে অতীতৰ কথা
By
মযূখ গোস্বামী
September 7, 2024 6:53 pm
আম আদমী পাৰ্টিৰ উদ্যোগত সুধাকণ্ঠৰ ৯৮ সংখ্যক জন্মজয়ন্তী
By
মযূখ গোস্বামী
September 7, 2024 3:26 pm
পুনৰ উত্তপ্ত মণিপুৰ! উগ্ৰপন্থীৰ ঘাটি ধ্বংস কৰাত ব্যস্ত আৰক্ষী তথা কেন্দ্ৰীয় বাহিনী; দুইপক্ষৰ সংঘৰ্ষত ৫জনৰ মৃত্যু
By
মযূখ গোস্বামী
September 7, 2024 1:21 pm