ৰাজ্যখনৰ মাজেৰে যোৱা ৰাষ্ট্ৰীয় ঘাইপথত সঘনাই বৃদ্ধি পাইছে শোকাৱহ পথ দুৰ্ঘটনা। কালি নিশা নলবাৰীৰ বৰসৰকুছি নিবাসী তথা উদীয়মান যুৱ ব্যৱসায়ী সমুজ্জল শৰ্মাৰ এক পথ দুৰ্ঘটনাত মৃত্যু হয়। যুৱকজন নলবাৰী চহৰত অৱস্থিত ‘মা কালী হল’ নামৰ ফাৰ্মাচীৰ গৰাকী আছিল। নিশা মটৰ চাইকেলেৰে বিয়া এখনৰ পৰা ঘৰলৈ ওভতাৰ পথত চহৰৰ ৰে’ল গেইটৰ সমীপতে নিয়ন্ত্ৰণ হেৰুৱায় পথৰ সমীপতে বাগৰি পৰাৰ ফলত থিতাতে মৃত্যু হয় যুৱকজনৰ। পিছত ঘটনাস্থলীত তেওঁৰ লগৰ বন্ধু কেইজন মান উপস্থিত হৈছিল যদিও যুৱকজনক মৃত অৱস্থাতহে পাইছিল। যুৱকজনৰ মৃত্যুত নলবাৰী চহৰ তথা বৰসৰকুছি অঞ্চলত শোকৰ ছাঁ পৰিছে।
