আজি আবেলি প্ৰায় ৩ বজাত হায়দৰাবাদৰ নিজামুদ্দিন ইনষ্টিটিউট অফ মেডিকেল চায়েন্সত ধুবুৰী লোকসভা সমষ্টিৰ প্ৰাক্তন সাংসদ তথা কংগ্ৰেছ দলৰ জ্যেষ্ঠ নেতা আনোৱাৰ হুছেইনৰ মৃত্যু ঘটে। হুছেইনৰ মৃত্যুত কংগ্ৰছকে ধৰি বিভিন্ন দল সংগঠনে শোক প্ৰকাশ কৰিছে। তেওঁৰ মৃত্যুৰ বাতৰিয়ে গৃহ চহৰ চাপৰত শোকৰ ছাঁ পেলাইছে। প্ৰায় এমাহ ধৰি প্ৰাক্তন সাংসদগৰাকী অসুস্থ হৈ চিকিৎসাধীন হৈ আছিল। ২০০১ চনৰ পৰা ২০০৬ চনলৈ আনোৱাৰ হুছেইন ধুবুৰী লোকসভা সমষ্টিৰ সাংসদ আছিল। অসম প্ৰদেশ কংগ্ৰেছ সমিতিৰ সাধাৰণ সম্পাদক, নিখিল ভাৰত কংগ্ৰেছ কমিটিৰ সদস্য, কংগ্ৰেছ সেৱা দলৰ নেতাকে ধৰি বিভিন্ন ৰাজহুৱা অনুষ্ঠান- প্ৰতিষ্ঠানল সৈতে তেওঁ জড়িত আছিল।
