অসমবাসীয়ে হেৰুৱালে এগৰাকী বিশিষ্ট চিত্ৰশিল্পী তথা আৰ্টিষ্টছ গীল্ডৰ সভাপতি ধ্ৰুৱ ডেকাক। বিয়লি ৪.২০ বজাত গুৱাহাটীৰ ব্যক্তিগত নেমকেয়াৰ হাস্পতালত শিল্পী গৰাকীৰ দেহাৱসান ঘটে। শিল্পী গৰাকী যোৱা এসপ্তাহ ধৰি অসুস্থ হৈ থকা বুলি পৰিয়ালৰ লোকে জানিবলৈ দিয়ে। মৃত্যুৰ সময়ত শিল্পী গৰাকীৰ বয়স আছিল ৬৭ বছৰ। যোৱা সপ্তাহত মাজুলীত অনুষ্ঠিত আৰ্টিষ্টছ গীল্ডৰ বাৰ্ষিক চিত্ৰ প্ৰদৰ্শনীত অংশগ্ৰহন কৰাৰ পিচতে অসুস্থ হৈ পৰিছিল বিশিষ্ট চিত্ৰশিল্পী গৰাকী। ততাতৈয়াকৈ যোৰহাটৰ চিভিল হাস্পতালত ভৰ্তি কৰায় আৰু পিচত উন্নত চিকিৎসাৰ বাবে যোৰহাটৰ চিকিৎসালয়ত ভৰ্তি কৰে। পৰৱৰ্তী সময়ত চিকিৎসকে ডেংগিত আক্ৰান্ত বুলি জানিবলৈ দিয়ে। যোৱা ৪ ডিচেম্বৰত গুৱাহাটীৰ চানমাৰিস্থিত বাসগৃহত হঠাৎ পুনৰ অসুস্থ হৈ পৰাত পৰিয়ালৰ লোকে তেওঁক নেমকেয়াৰ হাস্পতালত ভৰ্তি কৰায়। কিন্তু কালি বিয়লি তেওঁ সকলোকে কন্দুৱাই ইহসংসাৰৰ পৰা বিদায় মাগে। ধ্ৰুৱ ডেকাৰ মৃত্যু ৰাজ্যৰ সাংস্কৃতিক তথা শিল্পক্ষেত্ৰৰ বাবে এক অপূৰণীয় ক্ষতি। ১৯৫০ চনত জন্ম গ্ৰহন কৰা শিল্পীগৰাকী নিজৰ কৰ্মজীৱনত বহুতো সফলতা অৰ্জন কৰিবলৈ সক্ষম হৈছিল। ১৯৭৬ চনৰ ১১ জুলাইত প্ৰতিষ্ঠা লাভ কৰা আৰ্টিষ্টছ গীল্ডৰ আছিল তেওঁ অন্যতম প্ৰতিষ্ঠাপক। চানমাৰিৰ নিজ বাসগৃহতে ধ্ৰুপদ নামেৰে এখন স্কুল খুলি জীৱিকা অৰ্জন কৰিছিল। নিজৰ জীৱন চিত্ৰ কৰ্মত উৎসৰ্গা কৰা শিল্পীগৰাকীৰ মৃত্যুৱে শিল্পীসমাজক শোকাস্তব্ধ কৰিছে। গুৱাহাটী ছাত্ৰ সন্থাৰ পুষ্প সজ্জিত বাহনেৰে তেওঁৰ শৱদেহ আৰ্টিষ্টছ গীল্ডত আনি শ্ৰদ্ধাঞ্জলী জ্ঞাপন কৰে। তাৰ পিচত পৰিয়াল তথা গুণমুগ্ধৰ উপস্থিতিত নৱগ্ৰহ স্মশানত শেষকৃত্য সম্পন্ন কৰে। মৃত্যুৰ সময়ত তেওঁ পত্নী, দুগৰাকী জী আৰু এজন পুত্ৰক ইহসংসাৰত এৰি থৈ যায়।
বিশিষ্ট চিত্ৰশিল্পী ধ্ৰুৱ ডেকাৰ আকস্মিক মৃত্যু
-
By NE NOW NEWS
- Categories: অসম
Related Content
ব্লেকত বিক্ৰী হৈছে আই পি এলৰ টিকট বিক্ৰী : কলা বজাৰৰ লগত জড়িত আছে কিশোৰ
By
এন ই নাও নিউজ ব্যুৰো
May 19, 2024 6:19 pm
ভূ-লুণ্ঠিত মানৱতা! ভগ্নীৰ ধৰ্ষণৰ ন্যায় বিচাৰি যোৱা ভাতৃক নৃশংসভাৱে হত্যা কৰিলে অপৰাধীৰ পৰিয়ালে
By
এন ই নাও নিউজ ব্যুৰো
May 19, 2024 4:05 pm
সোমবাৰে পঞ্চম পৰ্যায়ত ৪৯টা সমষ্টিত ভোটগ্ৰহণ; দৃষ্টি আকৰ্ষণ কৰা কোন কোন তাৰকা প্ৰাৰ্থী?
By
এন ই নাও নিউজ ব্যুৰো
May 19, 2024 3:10 pm
কুম্ভকৰ্ণৰ সন্ধানত! দক্ষিণ কোৰিয়াত অনুষ্ঠিত হ’ল টোপনিৰ প্ৰতিযোগিতা
By
এন ই নাও নিউজ ব্যুৰো
May 19, 2024 1:05 pm
যোৰহাটত আশ্চৰ্যকৰ ঘটনা! মদাহী স্বামীৰ বৰ্বৰতা সহিব নোৱাৰি হত্যা কৰি জ্বলাই দিলে পত্নীয়ে
By
এন ই নাও নিউজ ব্যুৰো
May 19, 2024 1:03 pm
বিকল্প নাই! বিক্ৰী হ’ব কোম্পানী, আৰ বি আইৰ পৰা ১০ দিনৰ সময় বিচাৰিলে অনিল আম্বানীয়ে
By
এন ই নাও নিউজ ব্যুৰো
May 19, 2024 11:55 am