গছ হৈছে জীৱনকূলৰ আটাইতকৈ ডাঙৰ বন্ধু্। গছৰ অবিহনে জীৱকূল জীয়াই থকাটো সম্ভৱ নহয়। পৰিৱেশৰ বাবে গছৰ প্ৰয়োজনীয়তা আছে। ইয়াৰ উপৰিও সৌন্দৰ্যবদ্ধনৰ বাবেও মানুহে ঘৰৰ চৌহদ বা বাগিছাত বিভিন্ন ধৰণৰ গছ ৰোপন কৰে। এই ধৰণৰ গছৰ সাধাৰণতে ৫০ৰ পৰা ১০০ টকাৰ ভিতৰত কিনিবলৈ পোৱা যায়।
কিন্তু আপুনি জানেনে যে এনে এবিধ গছ আছে যাৰ মূল্য কেইবা নিযুত টকা! এই গছজোপাৰ মূল্য ইমানেই যে সেই টকাৰে গোটেই পৃথিৱী ভ্ৰমণ কৰিব পাৰি। এই গছজোপাৰ নাম জাপানীজ বগা পাইন বনচাই গছ। এই গছ জাপানত পোৱা যায়।
২০১১ চনৰ আন্তঃৰাষ্ট্ৰীয় বনছাই সন্মিলনত জাপানীজ বগা পাইন বনছাই গছ ১৩ লাখ ডলাৰত বিক্ৰী হৈছিল। যাৰ মূল্য ভাৰতীয় মুদ্ৰাত ১০ কোটি টকাৰো অধিক। এই গছজোপা পৃথিৱীৰ আটাইতকৈ দামী গছ। বনছাইৰ শিল্পী ছেইজি মৰিমাইয়ে আন্তঃৰাষ্ট্ৰীয় বনছাই অধিৱেশনত ব্যক্তিগত সংগ্ৰাহকক বিক্ৰী কৰিছিল গছজোপা। এই গছৰ উচ্চতা অতি কম। এই গছৰ পাত দীঘল, মজবুত, বক্ৰ ডাল থাকে। তথ্য অনুসৰি এই বগা পাইন বনছাই গছজোপা ৮০০ বছৰ পুৰণি।
প্ৰাচীন কালত বনাঞ্চলত বগা পাইন বনছাই পোৱা গৈছিল। গছজোপা কুটিল ঠাৰি, কুটিল বাকলি আৰু সম্পূৰ্ণ চালিৰে গঠিত। এই সকলোবোৰ বৈশিষ্ট্য থাকিলেও এই গছজোপাৰ দৈৰ্ঘ্য ১ মিটাৰতকৈও কম।
