মিজোৰাম বিশ্ববিদ্যালয়ত শুকুৰবাৰে অনুষ্ঠিত হয় স্বচ্ছ সৰ্বেক্ষন ২০১৮ৰ এক বিশেষ কাৰ্য্যসূচী। কেন্দ্ৰীয় তথ্য আৰু সম্প্ৰচাৰ মন্ত্ৰ্যালয়ৰ ক্ষেত্ৰ প্ৰচাৰ সঞ্চালকালয়ে এই কাৰ্য্যসূচীটোৰ আয়োজন কৰিছিল।
অনুষ্ঠানটোত ভাষণ দি মিজোৰাম বিশ্ববিদ্যালয়ৰ পঞ্জীয়ক জথানখুমাই ‘পৰিস্কাৰ-পৰিচ্ছন্নতাই’ উন্নত আৰু উন্নয়নশীল দেশৰ মাজৰ পাৰ্থক্য বুলি মন্তব্য কৰে।
ভাৰতৰ প্ৰাক্তন ৰাষ্ট্ৰপতি এ’ পি জে’ আব্দুল কালামৰ বক্তব্যৰ উদ্ধৃতিৰে মুখ্য অতিথিজনে কয় যে মানুহ বিদেশী উন্নত দেশলৈ গ’লে পৰিচ্ছন্নতা বজাই চলে, কিন্তু ভাৰতলৈ ঘূৰি আহিলে পৰিচ্ছন্নতা মগজুৰ পৰা বাহিৰ হৈ যায় আৰু মানুহে চৌপাশ লেতেৰা কৰিবলৈ কুণ্ঠাবোধ নকৰে। ৰাইজক ‘পৰিস্কাৰ ভাৰত’ৰ প্ৰতি নিজকে উচৰ্গা কৰিবলে আৰু স্বচ্ছ ভাৰত অভিযানৰ ৰাষ্ট্ৰীয় লক্ষ্য সফল কৰি তুলিবলে আহ্বান জনায়।
মিজোৰাম বিশ্ববিদ্যালয়ৰ প্ৰায় ৬০০ গৰাকী এন এচ এচ স্বেচ্ছাসেৱকে স্বচ্ছ ভাৰত অভিযানত যোগ দিছে।
স্বচ্ছ সৰ্বেক্ষণ প্ৰচাৰৰ সৈতে সংগতি ৰাখি মিজোৰাম বিশ্ববিদ্যালয়ৰ ছাত্ৰ-ছাত্ৰী আৰু শিক্ষক-শিক্ষয়িত্ৰীসকলে এক নিকাকৰণ অভিযানো চলায়।
