যোৰহাটত বৃহস্পতিবাৰে বিশাল শৰ্মাক এবাৰ চাবলৈ ৰোৰিয়া বিমান বন্দৰৰ পৰা ডুলিয়াগাঁৱলৈ ৰাইজৰ লানি নলগা শাৰী দেখিবলৈ পোৱা গ’ল।
চনী টিভিত চলি থকা ৰিয়েলিটি শ্ব’ ছুপাৰ ডান্সাৰৰ এগৰাকী চূড়ান্ত পৰ্যায়ৰ প্ৰতিযোগী দুদিনৰ বাবে ঘৰলৈ উভতি অহা বিশালক নায়কোচিত আদৰণি জনোৱা হয়।
গড়মূৰ জাতীয় বিদ্যালয়ৰ এগৰাকী সপ্তম শ্ৰেণীৰ ছাত্ৰ বিশালে ২০১৭ ৰ আগষ্টৰ পৰাই দৰ্শকক মুগ্ধ কৰি আহিছে আৰু ২৫ লাখ টকাৰ নগদ পুৰস্কাৰ বিজয়ৰ বাবে এক শক্তিশালী প্ৰতিযোগী হিচাপে বিবেচিত হৈছে।
ল’ৰাজনৰ লগত অহা তেওঁৰ প্ৰশিক্ষক বৈভৱ জোডীয়ে কয় যে প্ৰতিযোগিতা হ’ব বিশাল আৰু আৰু আন এগৰাকী অসমৰ সন্তান আকাশ থাপাৰ মাজত। আন প্ৰতিযোগী কেইগৰাকী আছিল চগুণ সিং, আকাশ মিত্ৰ আৰু মুচকান শৰ্মা।
ঘৰ আৰু বিদ্যালয়ত চনী টিভিয়ে বিশালৰ জীৱনৰ বিভিন্ন দিশৰ শ্বট গ্ৰহণ কৰে।
প্ৰথমতে তেওঁক গড়মূৰৰ ডুলিয়া গাঁৱৰ ঘৰলৈ লৈ যোৱা হয় আৰু তেওঁৰ প্ৰিয় খাদ্য খীৰ খাই থকা ছবি লোৱাৰ পিঠত বিদ্যালয়খনলৈ যোৱা হয় য’ত তেওঁ বিদ্যালয়ৰ বিহু দলৰ সৈতে বিহুনৃত্যত অংশ লয়।
ইয়াৰ পিছতে বৈভৱ আৰু বিশালে বিদ্যালয়খনত সজাই তোলা মঞ্চত নৃত্যৰ কিছু ঝলক তথা ষ্টান্ট প্ৰদৰ্শ কৰে। ‘’ এয়া সঁচাকৈয়ে টিভিত দেখুওৱাৰ দৰে আচৰিত আৰু অন্তৰ চুই যোৱা প্ৰদৰ্শন,’’-বিদ্যালয়খনৰ অধ্যক্ষ সান্তনা শৰ্মাই কয়।
বিশালৰ পিতৃ-মাতৃৰ তিনিটা সন্তান আৰু দুটা গাই গৰু পুহি সংসাৰ চলাই আছে। কোনোমতে সংসাৰ চলাই থকা তেওঁলোকৰ ৭ লাখ টকাৰ ঋণ আছে।
এগৰাকী মদপী ব্যক্তি বিশালৰ দেউতাকে প্ৰায়েই তেওঁৰ ল’ৰা ছোৱালী আৰু পত্নীক মাৰধৰ কৰে। তেওঁ বিগত সাত মাহ ধৰি বিশালৰ অভিভাৱক হিচাপে মুম্বাইত আছে। ঘৰত তেওঁৰ পত্নী আৰু দুই কন্যা সন্তান থাকে। ইয়াৰে এগৰাকীয়ে এই বছৰ উচ্চ মাধ্যমিক শিক্ষান্ত পৰীক্ষাত অৱতীৰ্ণ হৈছে। তেওঁলোকৰ ভৱিষ্যতৰ বাবে এতিয়া বিশালেই একমাত্ৰ আশাৰ থল,’’-তেওঁ কয়।
সান্তনা শৰ্মাই কয় যে তেওঁ বিশালৰ মাকৰ কাৰণে এটা আয়াৰ চাকৰি যোগাৰ কৰি দিবলৈ সক্ষম হৈছিল।
সকলো শিক্ষকে মিলি তেওঁলোকৰ অত্যাৱশ্যকীয় চাউল, শাক পাচলি, ৰন্ধন তেল আদি সামগ্ৰী যোগাৰ কৰি দিছিল যাতে পৰিয়ালটো ইয়াত বৰ্তি থাকিব পাৰে। বিশালক ভোট দিবৰ বাবে দৰ্শকে ছনা টিভিৰ এপ টো ডাউনলোড কৰি ল’ব পাৰে। অহা ১৮ মাৰ্চত চূড়ান্ত প্ৰতিযোগিতাখন অনুষ্ঠিত হ’ব।
