যোৰহাট জিলাত বৃদ্ধি পোৱা অবৈধ কাৰ্যকলাপৰ প্ৰতি লক্ষ্য ৰাখি আজি যোৰহাটৰ আৰক্ষী অধীক্ষক বৈভৱ নিম্বলকাৰে আঠজনীয়া সদস্যৰে গঠন কৰিছে আস্থা নামৰ এটা নিচামুক্ত বাহিনী দল । উল্লেখ্য যে জিলাখনত বৃদ্ধি পোৱা অবৈধ মদৰ বেহা, জুৱা, ড্ৰাগছ আদি নিৰ্মূল কৰাৰ লক্ষ্যৰে অধীক্ষক গৰাকীয়ে ‘আস্থা’ নামৰ এই নিছা মুক্ত বাহিনীটো গঠন কৰা বুলি উল্লেখ কৰে।
অতিৰিক্ত আৰক্ষী অধীক্ষক নন্দিনী কাকতি, দীপাংকৰ গগৈ, বিতুল চেতীয়া, বিনন্দ গগৈ, সূৰ্য গগৈ, বিপুল দলে, দীপক বৰা আৰু লীলা চেতিয়াক লৈয়ে আৰক্ষী অধীক্ষক গৰাকীয়ে এই আঠজনীয়া নিচামুক্ত বাহিনীটো গঠন কৰিছে।
‘আস্থা’ নামৰ এই নিচামুক্ত বাহিনীৰ দলটোৱে জিলাখনৰ সকলো অবৈধ কাৰ্যকলাপৰ ওপৰত দৃষ্টি গোচৰ ৰাখিব। ইয়াৰ উপৰি এই বাহিনীটোৱে যিকোনো ধৰণৰ অবৈধ কাৰ্যকলাপৰ তথ্য লাভ কৰাৰ লগে লগেই বিভাগীয় আৰক্ষী থানাৰ বিষয়াৰ সহযোগত তাৎক্ষণিকভাৱে বিহিত ব্যৱস্থা গ্ৰহণ কৰিব।
ইয়াৰ উপৰি এই বাহিনীটোৱে গ্ৰহণ কৰা সকলো কাৰ্যকলাপৰ বিষয়ে আৰক্ষী অধীক্ষকক জনায় থাকিব বুলিও বৈভৱ নিম্বলকাৰে জানিবলৈ দিয়ে।