শুকুৰবাৰে প্ৰখ্যাত নক্সালবাদী নেতা আৰু চি পি আই (এম এল)ৰ প্ৰাদেশিক কেন্দ্ৰীয় কমিটীৰ (Provincial Central Committee) সাধাৰণ সম্পাদক ভাস্কৰ নন্দীৰ পশ্চিম বংগৰ জলপাইগুড়ি জিলাৰ এখন চিকিসালয়ত দেহাৱসান হৈছে। মৃত্যুৰ সময়ত নেতাগৰাকীৰ বয়স হৈছিল ৮০ বছৰ।
এটা বিবৃতিত চি পি আই (এম এল)ৰ সহকাৰী সাধাৰণ সম্পাদক সুভাস দেবে কৈছে যে ৭০ৰ দশকত অসমৰ নক্সালবাদী আন্দোলনৰ গুৰি ধৰোঁতা নন্দী বিগত ডেৰ বছৰ ধৰি কৰ্কট ৰোগত ভুগি আছিল।
১৯৩৮ চনত জন্ম লাব কৰা ভস্কৰ নন্দীয়ে লণ্ডন বিশ্ববিদ্যালয়ৰ পৰা ৰাসায়নিক আভিযান্ত্ৰিকৰ ডিগ্ৰী লাভ কৰি সমাজশাস্ত্ৰত স্নাতকোত্তৰ অধ্যয়নৰ বাবে আমেৰিকাৰ কলম্ব্বিয়া বিশ্ববিদ্যালয়লৈ গৈছিল।
নক্সালবাদী আন্দোলনত যোগ দিয়াৰ পূৰ্বে তেওঁ কলম্বিয়া বিশ্ববিদ্যালয়ত সমাজশাস্ত্ৰ বিষয়ৰ পাঠদানো কৰিছিল।নক্সালবাদী আন্দোলনৰ পিতৃপুৰুষ চাৰু মজুমদাৰক লগ পোৱীৰ পীছত তেওঁ নক্সালবাদী আন্দোলনত যোগ দিয়ে।
সাম্যবাদী নেতাগৰাকীয়ে নিজৰ সন্মানীয় পদ ত্যাগ কৰি আনকি আমেৰিকাত তকা পৰিয়ালবৰ্গকো ত্যাগ কৰি আন্দোলনটোৰ বাবে নিজৰ জীৱন উৎসৰ্গা কৰে।
দলৰ তেওং এগৰাকী সক্ৰিয় কৰ্মী হৈ পৰে আৰু আমেৰিকালৈ উভতি যোৱাৰ পৰিকল্পনা চিৰদিনৰ বাবে ত্যাগ কৰি ভাৰততে থাকি যায়। চাৰু মজুমদাৰৰ সহকাৰী হিচাপে তেওঁ অসমৰ নক্সালবাদী আন্দোলনৰ দায়িত্ব গ্ৰহণ কৰে।
চাৰু মজুমদাৰৰ হত্যা আৰু হাজাৰ হাজাৰ নক্সালবাদীক হত্যা কৰাৰ পাছত চি পি আই (এম এল) ভাঙি যোৱাৰ পাছত তেওঁ ইউনিটী কমিটী গঠন কৰি অসম আৰু বিহাৰ আৰু বংগৰ কিছু অংশত নক্সালবাদী আন্দোলনটো পুনৰ সংগঠিত কৰে।
প্ৰাদেশিক কেন্দ্ৰীয় কমিটীৰ প্ৰধান আদৰ্শ পুৰুষ নন্দীয়ে গণ আন্দোলন আৰু গণ সংগঠনৰ পোষকতা কৰাৰ লগতে সশস্ত্ৰ সংগ্ৰাম আৰু সংগঠনৰ সপক্ষে নক্সালবাদী আন্দোলনৰ যুক্তিৰ সূচনা কৰিছিল বুলি সুভস দেবে প্ৰকাশ কৰিছে।
এবাৰ নন্দীয়ে এই বুলি প্ৰকাশ কৰিছিল যে স্বাধীনতাৰ পাছত নক্সালবাদী আন্দোলনেই আছিল একমাত্ৰ সঠিক ৰাজনৈতিক আন্দোলন, যদিহে ই সফল হ’লহেতেন তেন্তে এই আন্দোলনটোৱে দেশৰ ইতিহাস আৰু অৰ্থনীতি পৰিৱৰ্তিত কৰিলেহেঁতেন।
সুভাষ দেবে কৈছে যে নন্দীয়ে যিদৰে অসমীয়াৰ উগ্ৰ জাতীয়তাবাদৰ (chauvinism) বিৰোধিতা কৰিছিল, বড়োসকলে অসমৰ সংখ্যালঘূ, জনজাতি আদিবাসীসকলৰ বিৰূদ্ধে হত্যালীলা চলালোৱাৰ বিৰোধিতা কৰিছিল, তেনেদৰে বাঙালী উগ্ৰ গাতীয়তাবাদৰ বিপক্ষেও সৰৱ হৈ পৰিছিল।
নন্দীৰ মৃত্যুউত চি পি আই (এম এল) দলৰ উপৰিও বিভিন্ন শ্ৰমিক সংগঠনে শোক প্ৰকাশ কৰে।
