তিনিচুকীয়া জিলাৰ ডিগবৈ বন সংমণ্ডলৰ লেখাপানী আঞ্চলিক বন বিষয়া কাৰ্যালয়ৰ অধীনস্থ টিৰাপ সংৰক্ষিত বনাঞ্চলত লেখাপানী আৰু জাগুন বন কৰ্মীয়ে এক যুটীয়া অভিযান চলায়।
অভিযানকালত বন কৰ্মীয়ে দুজনকৈ বেদখলকাৰীক আটক কৰিবলৈ সক্ষম হয়। আটকাধীন বেদখলকাৰী কেইজনক ক্ৰমে কিৰণ টাও(৩৩) আৰু কংগ্ৰেছী কুটুম(৪১) বুলি বন কৰ্মীয়ে চিনাক্ত কৰিছে।
উল্লেখযোগ্য যে জাগুন বন বিষয়া কাৰ্যালয়ৰ অন্তৰ্গত নামফাই সংৰক্ষিত বনাঞ্চলখন একাংশ দুষ্কৃতিকাৰীয়ে বেদখলকৰি সম্পূৰ্ণ ৰূপে ধ্বংস কৰি নিঃশেষ কৰাৰ পিছত এইবাৰ লেখাপানী আঞ্চলিক বন বিষয়া কাৰ্যালয়ৰ অন্তৰ্গত টিৰাপ সংৰক্ষিত বনাঞ্চলত দুষ্কৃতিকাৰীয়ে বনাঞ্চল বেদখল কৰি ধ্বংস কাৰ্য চলাবলৈ ধৰে।
আনহাতে বনাঞ্চলখনত থিতাপি লোৱা একাংশ দুষ্কৃতিকাৰীয়ে নিতৌ বহু পৰিমাণৰ মূল্যবান গছ কাটি সম্পূৰ্ণভাৱে বনাঞ্চলখনত ধ্বংস কাৰ্য চলাই যায়।
ফলত আজি বন বিভাগে অভিযান চলাই দুজন বেদখলকাৰীক আটক কৰিবলৈ সক্ষম হয়।
