অৱশেষত আন্তৰ্জাতিক ক্ৰিকেটৰ পৰা বিদায়ৰ কথা ঘোষণা কৰিলে তাৰকা স্পীডষ্টাৰ ডেল ষ্টেইনে
অৱশেষত কেৰিয়াৰৰ কঠিন সিদ্ধান্তটো গ্ৰহণ কৰিলে বিশ্বৰ শক্তিশালী বেটছমেনৰো নিদ্ৰাহৰণ কৰা দক্ষিণ আফ্ৰিকাৰ দুৰন্ত স্পীডষ্টাৰ ডেল ষ্টেইনে।
আঘাতৰ বাবে আন্তৰ্জাতিক ক্ৰিকেটত নিয়মিত মেচত অংশগ্ৰহণ কৰিব পৰা নাছিল দক্ষিণ আফ্ৰিকাৰ তাৰকা পেচাৰগৰাকীয়ে।
দেশখনৰ ক্ৰিকেটৰ বহু ঐতিহাসিক মুহূৰ্তৰ সাক্ষী তথা উপযুক্ত সময়ত বিপক্ষৰ বেটিং লাইনত আঘাত হানিব পৰা তাৰকা বলাৰগৰাকীয়ে মঙলবাৰে চচিয়েল মিডিয়াৰ জৰিয়তে ক্ৰিকেটৰ সকলো ফৰ্মেটৰ পৰা অৱসৰৰ কথা ঘোষণা কৰে।
ডেল ষ্টেইনে দক্ষিণ আফ্ৰিকাৰ হৈ ৯৩খন টেষ্ট, ১২৫খন এদিনীয়া আৰু ৪৭খন আন্তৰ্জাতিক টী-২০ মেচ খেলিছে।
তাৰকা বলাৰ গৰাকীয়ে তেওঁৰ কেৰিয়াৰত টেষ্টত ৪৩৯টা, এদিনীয়াত ১৯৬টা আৰু আন্তৰ্জাতিক টী-২০ত ৬৪টা উইকেট
দখল কৰিছে।