বঙাইগাঁও জিলাৰ মানিকপুৰ আৰক্ষী থানাৰ অন্তৰ্গত নোৱাগাঁৱৰ বাসিন্দা হালিম মিঞা (৪৫) নামৰ এজন লোক দীৰ্ঘদিন ধৰি সন্ধানহীন হৈ থকা ঘটনাই এতিয়া পৰিয়ালটোৰ লোকৰ মাজত এক হাহাকাৰ পৰিৱেশৰ সৃষ্টি কৰিছে। হালিম মিঞাৰ সন্ধান উলিয়াব নোৱাৰাত দিশহাৰা হৈ পৰিছে পত্নী আৰু অনাহাৰী চাৰি সন্তান।
উল্লেখযোগ্য যে, যোৱা ঈদ উল ফিতৰৰ পূৰ্বে কামৰ সন্ধানত হাউলীলৈ যাব বুলি কৈ ঘৰৰ পৰা ওলাই যোৱা হালিম মিঞা আজি পৰ্যন্ত উভটি নহাত এতিয়া অথন্তৰ পৰস্থিতিৰ উদ্ভৱ হৈছে পৰিয়ালটোৰ লোকৰ মাজত। পৰিয়ালৰ লোকে বিভিন্ন ঠাইত বিচাৰ খোচাৰ কৰি সন্ধান উলিয়াব নোৱাৰাত মানিকপুৰ আৰক্ষী থানাত গোচৰ দাখিল কৰে।
এইখিনিতে উল্লেখ কৰো যে অতি দৰিদ্ৰ পৰিয়ালটোৰ একমাত্ৰ উপাৰ্জনকাৰী হালিম মিঞা সন্ধানহীন হোৱাৰ পৰাই খাদ্য সংকটৰ সন্মুখীন হ’বলগীয়া হৈছে পত্নীৰ লগতে চাৰিগৰাকীকৈ সন্তান।
ইফালে হালিম মিঞা উভটি নহাত কোনো দুষ্ট চক্ৰ বা কোনো অংগ ব্যৱসায়ীৰ হাত আছে বুলি সন্দেহ প্ৰকাশ কৰিছে আত্মীয়ই। যদি কোনো সদাশয় ব্যক্তিয়ে মানুহজনৰ কিবা সম্ভেদ পায় তেন্তে মানিকপুৰ আৰক্ষী থানা নাইবা ওচৰৰ আৰক্ষী থানাত অন্যথা তলত দিয়া পৰিয়ালৰ লোকৰ 9476511753 আৰু 9954037115 মোবাইল নম্বৰত যোগাযোগ কৰিবলৈ অনুৰোধ জনাইছে পৰিয়ালৰ লোকে।
