যোৱা তিনিদিন ধৰি নিখোজ হৈ আছিল মাজুলীৰ গায়ন গাঁৱৰ ব্যৱসায়ী যোগেন বৰা। ৫৫ বছৰীয়া অমায়িক স্বভাৱৰ লোকজনৰ নিখোজৰ ঘটনাই চাঞ্চল্যৰ সৃষ্টি কৰিছিল সমগ্ৰ অঞ্চলটোত।
তিনিদিনে গাঁওবাসীয়ে নিৰুদ্দিষ্ট লোকজনৰ বাবে ম্ৰিয়মান হৈ আছিল।গাঁৱৰ লোকে সমগ্ৰ অঞ্চলটো চলাথ কৰাৰ পিছতো যোগেন বৰাৰ কোনো শুংসূত্ৰ উলিয়াবলৈ সক্ষম হোৱা নাছিল।
আজি গাঁৱৰ লোকে বিচাৰি থকা অৱস্থাত ঘৰৰ পিছফালৰ বাৰীৰ এচুকত ৰহস্যজনক অৱস্থাত যোগেন বৰাৰ মৃতদেহ উদ্ধাৰ কৰা হয়। ডিঙি কটা অৱস্থাত উদ্ধাৰ হোৱা যোগেন বৰাৰ মৃতদেহৰ কাষত এখন দা উদ্ধাৰ হৈছে।
ইতিমধ্যে মৰণোত্তৰ পৰীক্ষাৰ বাবে গড়মূৰ পীতাম্বৰদেৱ অসামৰিক চিকিৎসালয়লৈ প্ৰেৰণ হৈছে। আৰক্ষীয়ে সমগ্ৰ ঘটনাৰ তদন্ত আৰম্ভ কৰিছে।
আনহাতে,যোগেন বৰাৰ ৰহস্যজনক মৃত্যুৰ ঘটনাই তীব্ৰ চাঞ্চল্যৰ সৃষ্টি কৰিছে অঞ্চলটোত।
