প্ৰগ্ৰেছিভ ৱৰ্কাৰ্ছ ইউনিয়নৰ বেনাৰত মেঘালয়ৰ এনাৰ্জি কৰ্প’ৰেশ্যনৰ অস্থায়ী কৰ্মচাৰীৰ প্ৰতিবাদী কাৰ্যসূচী
মেঘালয় এনাৰ্জি কৰ্পোৰেশ্যন লিমিটেডৰ অস্থায়ী কৰ্মচাৰী সকলে মেঘালয় এনাৰ্জি কৰ্পোৰেশ্যন লিমিটেড প্ৰগ্ৰেছিভ ৱৰ্কাৰ্ছ ইউনিয়ন নামৰ সংগঠনটোৰ বেনাৰত বিভিন্ন দাবী পূৰণৰ বাবে এপ্ৰিলৰ ১২ তাৰিখৰ পৰা এলানি প্ৰতিবাদী কাৰ্যসূচী হাতত ল’ব।
তেওঁলোকৰ দাবীসমূহ হৈছে নিয়মীয়াকৰণ, সমান কামৰ সমান মজুৰি, পি এফ, গ্ৰেছুইটি, ছুটি, মাতৃত্ব ছুটি, ই এছ আই আদি প্ৰদান কৰা।
মেঘালয় এনাৰ্জি কৰ্পোৰেশ্যন লিমিটেড প্ৰগ্ৰেছিভ ৱৰ্কাৰ্ছ ইউনিয়নৰ মতে যোৱা বছৰৰ ডিচেম্বৰত অনুষ্ঠিত আলোচনাৰ পাছত ব্যৱস্থাক মণ্ডলীয়ে মজুৰিৰ বকেয়া ধন মোকোলাই দিয়াত সসন্মত হৈছিল।
সংগঠনটোৰ তৰফৰ পৰা কোৱা হৈছে যে নিৰ্বাচনৰ পাছত ব্যৱস্থাপক মণ্ডলী আৰু ইউনিয়নৰ মাজত বুজাবুজিত উপনীত হোৱাটোত ব্যৱস্থাপক মণ্ডলী আনুষ্ঠানিকভাৱে বাধ্য।কিন্তু বহুবাৰ স্মাৰকপত্ৰ দিয়াৰ পাছতো তেওঁলোক নিৰৱ হৈ আছে বাবে শ্ৰমিকসকলে আন্দোলনৰ পথ গ্ৰহণ ক,ৰিবলৈ বাধ্য হৈছে। সোমবাৰে সংগঠনটোৰ তৰফৰ পৰা কোৱা হৈছে যে তেওঁলোকৰ দাবী মানি নললে শ্ৰমিকসকলে কাম বন্ধ কৰিবলৈ বাধ্য হ’ব।