ভাৰত আৰু ভূটানৰ মাজত পাৰস্পৰিক বিশ্বাস আৰু বুজাবুজিক উন্নত কৰাৰ উদ্দেশ্যে দেশ দুখনে ভাৰত-ভূটান সীমান্তত দিন জোৰা কাৰ্যসূচীৰে এখন বন্ধুত্বপূৰ্ণ শিশু চিত্ৰাংকণ কৰ্মশালাৰ আয়োজন কৰে। শনিবাৰে আয়োজিত কৰ্মশালাখন দুয়োখন দেশৰ মাজত আয়োজিত প্ৰথম এনে ধৰণৰ কৰ্মশালা। জানিব পৰা মতে পূব-ভূটান সীমান্তৰ চামদ্ৰোব জংখা জিলাৰ জমত সংঘত আয়োজিত কৰ্মশালাখন সাংবাদিক ৰাম উপাধ্যায় উদ্বোধন কৰে। ওদালগুৰি জিলাৰ টংলাৰ অৰুণোদয় কলা একাডেমীয়ে ভূটানৰ ৰাজকীয় চৰকাৰৰ সহযোগত আয়োজিত কৰা উক্ত কৰ্মশালাত দুয়োখন দেশৰ পৰা প্ৰায় ৪০ জন শিশু প্ৰাৰ্থীয়ে অংশ গ্ৰহণ কৰে বুলি জানিব পৰা গৈছে। অংশ গ্ৰহণকাৰী শিশু সকলক চিত্ৰাকংণৰ শিক্ষা প্ৰদান কৰে নিদেৰ্শক হিমাংশু বৰাই। দুয়োখন দেশৰ মাজত বৰ্তী থকা সুস্থ সাংস্কৃতিক আদান-প্ৰদান, পৰম্পৰাগত মূল্যবোধ আৰু বন্ধুত্বপূৰ্ণ সম্পৰ্কৰ প্ৰতি সঁহাৰি জনায় আয়োজন কৰা কৰ্মশালাখনত জমত সংঘ নগৰৰ মেয়ৰ তাচী ৱাংদিয়ে শিশুসকলৰ অভিভাৱক সকলৰ লগত এক মত-বিনিময় অনুষ্ঠানত ভাগ লয়।
https://youtu.be/miN1WCc4vzk
