পশ্চিম গাৰোপাহাৰ জিলাত থকা মেঘালয়ৰ প্ৰাক্তন মুখ্য মন্ত্ৰী মুকুল চাংমাৰ পৰম্পৰাগত গাৰো শৈলীৰ ‘নোক আচিক’ ঘৰটো বজ্ৰপাত পৰি জ্বলি যোৱাৰ বাতৰি পোৱা গৈছে।
উল্লেখ্য যে দেওবাৰে আবেলি প্ৰায় ৩-৩০ বজাত জিলাখনত অহা ধাৰাসাৰ বৰষুণ, শিলাবৃষ্টি আৰু বজ্ৰপাতে বহুতো ঘৰ নষ্ট কৰি পেলাইছিল।
অৱশ্যে সেই সময়ত প্ৰাক্তন মুখ্য মন্ত্ৰী অথবা তেওঁৰ পৰিয়ালৰ কোনো সদস্য এই ঘৰটোত নথকা হেতুকে কোনো লোকেই এই ঘটনাত আঘাতপ্ৰাপ্ত হোৱা নাই।
পশ্চিম গাৰোপাহাৰ জিলাৰ আৰক্ষী অধীক্ষক এম জি আৰ কুমাৰে কৈছে যে কোনো লোক হতাহত হোৱা নাই আৰু ঘৰটোৰ কিমান ক্ষয়-ক্ষতি হৈছে সেয়া জানিবলৈ চেষ্টা কৰি থকা হৈছে। ডৰ্মিটৰিত বিজুলীয়ে আঘাত কৰাৰ ফলত জুইৰ উৎপত্তি হৈছিল বুলি তেওঁ জনাইছে।
অগ্নি নিৰিবাপক বাহিনীৰ লোকে জনাইছে যে বজ্ৰপাতৰ ফলত সংঘতিত হোৱা অগ্নিকাণ্ডৰ ঘটনা সাধাৰণতে নঘটে।
